Pas Shteteve të Bashkuara të Amerikës, Komisionit Evropian, Britanisë së Madhe, Kanadasë, Tajvanit, Indisë apo Iranit e së fundmi Francës, edhe Shqipëria mund të ndalojë përdorimin e platformës “TikTok” nga punonjësit e administratës publike.
“Për një nivel më të mirë rregullimi për të dhënat personale, bëjë pjesë në ato politikbërës, që Tik-Tok është rrezik për sigurinë në hapësirën tonë euroatlantike, I bashkohem vendimeve për ndalimin ë përdorimit të këtij aplikacionin në tre nivelet, në këshill, legjisacion etj,” deklaroi Balla, transmeton A2 përcjell albinfo.ch.
Po sa e mundur që të arrihet kjo?
Mundesh me e lexu edhe…
“Vendimi në letër është i duhuri. Drejt asaj duhet të shkojmë. Problemi është se në Europë apo SHBA, punonjësit e administratës kanë një telefon specifik pune që e jep punëdhënësi dhe ka mekanizma që te këta aparate të ndalohet përdorimi i TIK Tok. Në rastin e Shqipërisë punonjësit kanë telefona personale dhe kjo përbën problem,” thotë eksperti i IT-së Besmir Semanaj.
Pamundësinë e zbatimit të kësaj nisme eksperti i teknologjisë, Besmir Semanaj e argumenton duke iu rikthyer sulmeve kibernetike nga Irani vitin e shkuar.
“Ne kishim drejtues publikë shumë të lartë që përdornin Gmail apo platfomra të tjera-email dhe nuk përdorin atë zyrtar. Pra është totalisht “non sense” logjik. Në momentin që ne nuk kemi rrethim shtëpie apo dyer me mure të çara, deklarojmë se do të vendosim dyer të blinduara.”
Pas dyshimeve se qeveria e Kinës po keqpërdor për spiunazh të dhënat nga TIk Tok edhe shtete si Zelanda e Re, Australia, Italia, Greqia apo Suedia po planifikojnë që të ndalojnë përdorimin e platformës nga punonjësit e administratës./Katror.info
Përgatiti:
