Rita Ora u sigurua që të gjithë sytë të ishin tek ajo teksa doli dje e veshur me një fustan ari të ngushtë.
32-vjeçarja dukej e pabesueshme teksa u pa duke shkuar në xhirimet e audicioneve të fshehura të spektaklit “The Voice Australia” – së bashku me kolegët e saj: Guy Sebastian dhe Jessica Mauboy dhe Jason Derulo.
Fustani mahnitës kishte mëngë të gjata, ndërsa flokët e Ritës ishin stiluar në kaçurrela të lirshme poshtë shpinës, shkruan The Sun.
Mundesh me e lexu edhe…
Rita iu bashkua spektaklit “The Voice Australia” në vitin 2021 dhe njohu bashkëshortin e saj Taika Waititi ndërsa jetonte atje.
Duke folur së fundmi për dashurinë e saj për Australinë, Rita tha në një intervistë për Harpers Bazaar: “Është shumë paqësore për mua që mund të shkoj në plazh dhe të ulem atje dhe të lexoj”.
“Është vërtet e bukur të gjesh atë ndjenjën e tokëzimit në një vend nga ku nuk jam. I dua njerëzit sepse janë shumë të dashur dhe ndihem shumë e pranuar këtu dhe ndihem shumë e lirë”, tha Rita.
“Unë kam një lidhje të ngushtë të caktuar me Australinë”, shtoi 32-vjeçarja.
Ndërkohë, ylli amerikan i zhanrit R&B, Jason Derulo, i është bashkuar së fundmi spektaklit të talenteve, duke zëvendësuar artistin Keith Urban, i cili ishte vitin e kaluar pjesë e jurisë.
Duke folur për marrjen e rolit e trajnerit, Jason tha për The Sunday Telegraph: “Unë do të sjell një perspektivë globale”.
“Këta janë padyshim muzikantë nga Australia, por mënyra se si industria e muzikës ka ndryshuar, nuk ka më rregulla”.
“Unë mendoj se më shumë se kurrë, linjat janë mjegulluar, kështu që ka një mundësi që një yll global të dalë nga ky spektakël”, shtoi Derulo. /Katror.info
Përgatiti:
