Dokumentari “Gratë në sektorin e sigurisë: ndërmjet sfidave dhe mundësive’’ është projekti më i ri i OJQ SHE Solutions, i mbështetur nga Rrjeti Mesdhetar i Grave Ndërmjetësuese (MWMN) i financuar dhe promovuar nga Ministria e Jashtme Italiane dhe Bashkëpunimi Ndërkombëtar.
Pavarësisht që institucionet e vendit kanë bërë përpjekje për përfshirje më të madhe të vajzave dhe grave në sektorin e sigurisë numri ende nuk është i kënaqshëm.
Gratë që kanë udhëhequr dhe udhëheqin institucione kryesore të shtetit theksojnë se sfidat janë nga më të ndryshmet, por vënë theksin tek mungesa e kushteve të duhura që do t’ua bënin më të lehtë punën grave në sektorin e sigurisë.
Ish-presidentja e vendit, Atifete Jahjaga, e cila ka qenë Komandante Supreme e FSK-së por edhe pjesë e Policisë së Kosovës, e sheh shqetësuese uljen e përqindjes së përfaqësimit të grave në pozita udhëheqëse dhe vendimmarrëse. Përmend hapat për avancimin e kësaj kategorie.
Nënkryetarja e Kuvendit të Kosovës, Saranda Bogujevci, kërkon më shumë hapësirë që gratë të jenë në pozita vendimmarrëse ,jo për shkak të kuotës, por për shkak të profesionalizmit të tyre.
Sipas, Edi Gusisë, kryeshefe e Agjencisë për Barazi Gjinore, te policia e Kosovës situata është më e ndjeshme, sepse viteve të fundit ka një trend të largimit të grave.
Ndërsa, Ariana Qosaj-Mustafa nga Rrjeti i Grave të Kosovës, thotë se në largimin e grave nga fusha e sigurisë ka ndikuar edhe migrimi.
Drejtoresha rajonale e Policisë së Kosovës në Mitrovicën Jugore, Afërdita Mikullovci dhe Halime Morina-Lupci, shefe e njësisë për të Drejtat e Njeriut dhe Barazi Gjinore në FSK, theksojnë se në këto dy institucione po shkon duke u rritur numri i grave dhe vajzave të përfshira në këtë sektor, por gjendja aktuale lë shumë për të dëshiruar.
Prania e grave në sektorin e sigurisë është komponent themelor në Rezolutën 1325 të OKB-së për Gratë, Paqen dhe Sigurinë që sipas vendimit të Agjencisë për Barazi Gjinore përfshihet si objektiv brenda PKBGJ-së (Plani i Kosovës për Barazi Gjinor) së tanishme.
Ky dokumentar është pjesë e angazhimit të SHE Solutions në promovimin e rëndësisë që ka përfshirja e grave dhe vajzave në sektorin e sigurisë, në dobi të promovimit të paqes dhe sigurisë së përgjithshme.
Në vegëzën këtu i gjeni disa prej thekseve kryesore nga ky dokumentar./Katror.info
Përgatiti:
