Manchester City dhe Inter do të luajnë sonte në orën 21:00 në Stamboll në finalen e Champions League në stadiumin Olimpik Ataturk. Është ky një stadium shtetëror në qytetin më të madh të Turqisë. Rreth 75,000 njerëz qëndrojnë në tribuna, gjë që e bën atë më të madhin në vend. Një nga gjërat interesante është se stadiumi fillimisht ka pasur një kapacitet prej 80 mijë ulëse, e më pas pas tre vitesh është reduktuar në 75 mijë, sepse pesë mijë shikues nuk kanë mundur të shohin se çfarë po ndodhte në fushë nga pozicionet e tyre.
Është emëruar pas heroit kombëtar turk, babait të kombit, Mustafa Kemal Atatürk, themeluesit të republikës moderne turke. Ndërtimi i stadiumit filloi në vitin 1999, me qëllim që Turqia të kualifikohej për të pritur Lojërat Olimpike 2008. Por ishte e kotë sepse ajo nuk fitoi garën për organizimin e tyre edhe pse në ndërtim u investuan 350 milionë euro, shkruan Katror.info.
Stadiumi më vonë u përdor për të luajtur ndeshje të shumta të rëndësishme. Edhe pse turqit konkurruan për të pritur Kampionatin Evropian në 2012 dhe 2016, ata prapë dështuan. Stadiumi Ataturk u hap në vitin 2002 me një ndeshje midis Olympiakos grek dhe Galatasarayit.
Mundesh me e lexu edhe…
Por ndeshja më e famshme që u luajt atje është finalja e LP në 2005, në të cilën luajtën Liverpool dhe Milan. Italianët kryesuan 3:0, dhe Liverpooli barazoi dhe përfundimisht fitoi me penallti. Ajo ndeshje mbahet mend si mrekullia më e madhe në historinë e Champions League. /Katror.info
Përgatiti:
