Portreti i fundit i pikturuar i Gustav Klimt mund të vendosë një rekord evropian kur të dalë në ankand në Londër më 27 qershor, njoftoi kompania e ankandeve ”Sotheby’s”.
Piktura ”Dame mit Facher” (”Gruaja me erashkë”) vlerësohet të kapë shifrën e 80 milionë dollarëve.
Piktura në fjalë është kryevepra e fundit e Klimt, e filluar në vitin 1917 dhe ende qëndron në studion e tij në kavaletë, kur artisti vdiq papritur në shkurt 1918, në kulmin e shkëlqimit të tij artistik, në moshën 55-vjeçare.
Mundesh me e lexu edhe…
Helena Newman, agjente arti, theksoi se ”vepra ishte pikturuar gjatë kulmit artistik të Klimt, kur ai po prodhonte disa nga veprat e tij më të famshme dhe eksperimentale”.
“Shumë nga këto vepra, sigurisht portretet për të cilat ai njihet më shumë, janë porositur”, theksoi Newman, kreu i Sotheby’s për Evropën dhe kreu global i Artit Impresionist dhe Modern.
Çmimi aktual më i lartë i arritur në ankand për një vepër arti në Evropë është rreth 80 milionë dollarë për “Walking Man I” të Alberto Giacomettit, që u shit në shkurt 2010./Katror.info
Përgatiti:
