Vjena, kryeqyteti elegant i Austrisë edhe njëherë është shpallur si qyteti që ofron cilësinë më të mirë të jetës në botë.
Vjena sërish qyteti më i jetueshëm në renditjen e “Economist”, përcjell albinfo.at.
Vjena kryeson sërish listën e qyteteve më të jetueshme në botë nga grupi britanik “Economist”. Kryeqyteti austriak shënoi sërish me një nivel të lartë sigurie, ambiente të mira publike dhe një ofertë të pasur kulturore.
Mundesh me e lexu edhe…
Kopenhaga, Melburni dhe Sidnei pasojnë vendet e tjera. Vjena mbante tashmë pozitën e parë në renditje në 2018, 2019 dhe 2022.
Disa qytete të Evropës Perëndimore, duke përfshirë Stokholmin, Roterdamin dhe Londrën, ranë ndjeshëm në krahasim me vitin 2022.
Qyteti kanadez i Vankuverit u rendit i pesti. Cyrihu, i cili ishte i treti vitin e kaluar, ra në vendin e gjashtë. Nuk ka asnjë qytet gjerman në dhjetëshen e parë, me Frankfurt dhe Berlin që ndajnë vendin e 17-të.
Ndërkohë edhe Parisi ra në vendin e 24-të.
Sipas autorëve të studimeve, demonstratat masive kundër reformës së pensioneve ndikuan në vlerësimin e kryeqytetit francez, i cili vitin e kaluar u rendit i 19-ti. Për krahasim: Londra është në vendin e 46-të këtë vit, Nju Jorku në vendin e 69-të. Sipas analizës, Damasku, Tripoli, Lagos dhe Kievi janë aktualisht ndër dhjetë qytetet më jotërheqëse në botë.
Janë vlerësuar 30 kritere në pesë kategoritë e stabilitetit, kujdesit shëndetësor, arsimit, kulturës dhe mjedisit dhe infrastrukturës. Vjena shënoi mirë në të gjitha. E vetmja pengesë ishte mungesa e ngjarjeve të mëdha sportive./https://katror.info/Katror.info
Përgatiti:
