Kompania japoneze ka qenë në qendër të vëmendjes të publikut gjatë muajve të fundit, kryesisht për shkak të mungesës së vullnetit të saj për të kaluar në makina plotësisht elektrike globalisht, pasi besonte se një makinë hibride është një opsion më i mirë.
Mirëpo, në Evropë do të duhet të heqin nga oferta benzinën dhe hibridet dhe tani kanë paralajmëruar se do të jenë gati për këtë tranzicion, shkruan Autoblog.
Matt Harrison, shefi operativ i prodhuesit japonez të automjeteve, tha se Toyota nuk e mbështet standardin e propozuar të Bashkimit Evropian Euro 7, i cili i detyron prodhuesit e automjeteve të reduktojnë emetimet mesatare të dioksidit të karbonit të flotës së tyre me 55 për qind deri në vitin 2030 krahasuar me nivelet e 2021, shkruan Katror.info.
Mundesh me e lexu edhe…
Përveç kësaj, ai nuk pret që norma të hiqet plotësisht, por të zbutet në një “nivel disi më realist”. Në këtë drejtim, Gjermania dhe Italia shprehën kundërshtimet e tyre ndaj planit origjinal për të ndaluar shitjen e motorëve me benzinë dhe naftë nga viti 2035, me një draft që do të lejonte e-karburantet.
Sa i përket ndalimit të shitjes së makinave të reja me lëndë djegëse fosile, Harrison tha se Toyota do të jetë e gatshme të shesë ekskluzivisht makina plotësisht elektrike në tregun evropian nga viti 2035. Sipas mendimit të tij, pjesa e makinave elektrike në shitje do të rritet nga 0 për qind në vitin 2022 në 15 për qind në vitin 2025, dhe në 55 për qind në vitin 2030.
Sidoqoftë, kjo nuk do të thotë që Toyota së shpejti do të heqë dorë nga mjetet alternative. Kompania japoneze do të vazhdojë të shesë hibride, hibride plug-in dhe automjete me hidrogjen në dekadën e ardhshme, pasi plani është të prodhojë 1.7 milionë makina elektrike në vit nga viti 2030, dhe prodhimin total kur shtohen automjetet me benzinë, automjetet hibride dhe ato me hidrogjen pritet të arrij në 3.5 milionë ekzemplarë. /Katror.info
Përgatiti:
