Kjo do t’ju habisë fare sepse një zyrtar nga qeveria e Italisë ka kontaktuar Mark Zuckerberg për organizimin e një ndeshje boksi kundër Elon Musk në fushën e betejës më legjendare në botë … Koloseumin e Romës.
Burime për TMZ Sports kanë bërë me dije se Ministrja e Kulturës iu drejtua Zuckerberg-ut pak ditë më parë për të vënë në skenë atë që mund të jetë ndeshja më e madhe në historinë e botës në teatrin më fantastik të luftimeve në histori. Me sigueri si Elon ashtu edhe Mark do të donin që dyluftimi i tyre të përfundonte në Koloseun e Romës.
Më herët Mark Zuckerberg ka pranuar sfidën e Elon Musk-ut për t’u përballur në një ndeshje.
Mundesh me e lexu edhe…
Kjo ndeshje e pamundur është rezultat i rritjes së tensioneve midis dy CEO-ve pasi u publikua lajmi se Meta ka filluar të krijojë një produkt që mund të konkurrojë me Twitter-in, të cilin Musk e përfundoi blerjen e tij në tetor 2022. Kjo përballje nisi kur një përdorues i Twitter-it dukej se u tall me videot e Zuckerberg-it jiu jitsu në Instagram, duke paralajmëruar Musk se ai “më mirë të ketë kujdes”, për të cilën 51-vjeçari u përgjigj: “Unë jam gati për një ndeshje nëse ai është.”
Dhe ajo që mund të kishte filluar si një shaka u bë shumë më serioze kur Zuckerberg postoi postimin në Instagram me mbishkrimin, “Më dërgo vendndodhjen”. Elon emëroi një vendndodhje të enjten, duke iu përgjigjur në Twitter lajmeve të ndeshjes me fjalët “Vegas Octagon”, duke iu referuar qendrës UFC Apex në Nevada.
Zuckerberg ka postuar më parë në lidhje me stërvitjen e tij të arteve marciale në Facebook, ndërkohë që ka folur gjerësisht për këtë në paraqitjet e podkasteve. Në maj, ai konkurroi në turneun e tij të parë jiu-jitsu. “Kam konkurruar në turneun tim të parë jiu jitsu dhe fitova disa medalje për ekipin Guerrilla Jiu Jitsu,” shkroi 38-vjeçari në Instagram, së bashku me disa foto të tij duke konkurruar.
E ndërsa sa i përket vetë vendit të ngjarjes — një nga 7 mrekullitë e botës — nuk ka pasur ngjarje të mëdha të mbajtura brenda amfiteatrit gati 2000-vjeçar në qindra vjet, dhe vetëm disa qindra spektatorë mund të ulen në vende të përkohshme brenda teatrit.
Sir Paul McCartney performoi brenda Koloseumit në 2003 për një shfaqje ekskluzive bamirësie para 400 njerëzve që paguanin deri në 1500 dollarë por përveç kësaj, të gjitha koncertet e tjera janë mbajtur jashtë strukturës.
Pengesa më e madhe është pabarazia me gjatësinë dhe peshën, megjithëse të dy burrat nuk kanë asnjë problem me të. E vetmja pyetje që kemi është nëse ndeshja do të zhvillohet brenda apo jashtë strukturës gjigande të Koloseut. Por një gjë është e sigurtë, tani që Italia është e interesuar, kjo hap shumë më tepër mundësi që ata të dy të ndeshen me njëri-tjetrin./Katror.info
Përgatiti:
