Qëndrimi është ai që e karakterizon profilin e Andres Garcia-Carro. 91-vjeçari ka hyrë fuqishëm në skenën evropiane të modës duke bërë një emër i rëndësishëm me paraqitjet e tij në ekran. Ai është bërë një nga figurat e brendeve të njohura të modës dhe është një nga modelët më të vjetër që punon në Evropë.
Në festimin e ditëlindjes së 90-të, figura e modës e shpalli veten “Mbreti spanjoll”. Këtë festë e realizoi në një klub nate në Madrid me 250 musafirë përfshirë modele, aktorë, regjisorë filmash dhe muzikantë.
Dhe pavarësisht moshës së tij, oborrtarët e tij besojnë se mbretërimi i tij është larg nga zbehja. Ai duket sikur ka jetuar gjithë jetën e tij përballë kamerës, me pamjen e një ylli klasik të kinemasë.
Mundesh me e lexu edhe…
Nga pensionimi i qetë në një prej emrave të modës në Spanjë
Dy vjet më parë, García-Carro po bënte një jetë të qetë si pensionist, në një shtëpi fshati në provincën veriore të A Coruña. Gjitchka në jetën e tij i ngjante jetës së qetë të një pensioneri para se pandemia të ndodhte dhe potenciali i tij prej modeli u ‘zbulua’ nga mbesa e tij, 27-vjeçarja Celine Van Heel.
“Ai ishte subjekti im i parë, muza ime e parë. Falë tij e zbulova fotografinë”, thotë 27-vjeçarja Celine Van Heel.
Ajo tani menaxhon karrierën e mbretit spanjoll, ndërsa fotografia e saj e rreth modës po ka gjithnjë e më shumë sukses.
Veshjet e tij na kthejnë në Epokën e Artë të Costa del Sol, kur Spanja u hap për turizmin ndërkombëtar në fund të viteve gjashtëdhjetë.
“Ishte në fakt gjatë kohës së COVID që isha me të në karantinë dhe thjesht vendosa të merrja një aparat fotografik dhe të filloja ta fotografoja atë,” i ka thënë Van Heel për Euroneës Culture.
“Kam qenë vazhdimisht me gjyshin tim, ecja me të, flisja me të, bëja foto. Fotot e para ishin për revistën që punoja […] ishte një editorial dhe i bënim në shtëpi”, ka treguar ajo.
Karriera në fund të jetës – një jetë e re me plot energji
Fotot e tij u mirëpritën me emocion në revistën franceze të modës “L’Officiel”, kështu që Van Heel vendosi të krijojë një portofol me më shumë fotografi dhe të krijojë një personazh krejtësisht të ri – ‘Mbreti spanjoll’, një personalitet që do t’i përshtatej gjyshit të saj; një shpirt argëtues, krijues dhe i lirë.
Që atëherë ai është paraqitur në Vogue, GQ dhe Esquire dhe ka punuar me marka të modës si Zara dhe Carolina Herrera. Por, puna për të s’ka të ndalur. García-Carro ka fituar punë në ekran duke përfshirë filma, video muzikore, madje edhe versionin spanjoll të shfaqjes së gatimit “Master Chef”.
Vetë ai ishte shprehur se është i penduar se nuk e filloi karrierën e tij si model para njëzet vjetësh, ndërsa mbesa e tij pohon se gjyshi i saj gjithnjë ishte veshur me shumë stil.
García-Carro ka ushtruar shumë profesione përgjatë jetës së tij. Ai ishte një fermer në Argjentinë, pronar restoranti në Uruguaj dhe agjent imobiliar në Spanjë mes tyre. Si model, editoriali i tij i parë – me imazhet e Van Heel – u shfaq në edicionin e printuar të L’Officiel China në 2020. Së shpejti, mundësitë me botime dhe marka të tjera. Mbreti spanjoll mund të duket shumë më i ri se 91-vjeç – van Heel bën shaka se “ai ka bërë një pakt me djallin”, veçanërisht pasi ai ende pi duhan dhe merr ngjyrë rregullisht – por ai e vlerëson karrierën e tij në fund të jetës duke i dhënë atij “një jetë të re dhe kaq shumë energji”.
“Dukem edhe më i ri se më parë! Ajo që më duket më e dobishme në modeling është të takosh të rinj, të mësosh gjëra të reja, të jesh aktiv”, tha ai.
“Unë nuk dua të rri në dhomën time të ndenjes duke parë jetën duke kaluar”, është një nga fjalitë që e motivon edhe më shumë të punoj.
Van Heel beson se gjyshi i saj është shembulli i përsosur se pse askush nuk duhet të ndiejë nevojën për tu dorëzuar nga pasionet pavarësisht moshës,
“Kur je 70 apo 80 vjeç, kjo nuk do të thotë se jeta jote ka mbaruar dhe duhet të sillesh si një gjyshe e ëmbël dhe të mos bësh asgjë tjetër. Ju mund të bëni gjithçka në çdo moshë”, ka thënë ajo./AkademiPune/Katror.info
Përgatiti:
