Automjetet elektrike, si ato me bateri ashtu edhe ato hibride, prodhojnë emetime zero ose më të ulëta në krahasim me automjetet konvencionale me benzinë ose me naftë.
Për shkak të karakteristikave të tyre, ato janë të njohura si një nga zgjidhjet brenda zgjidhjeve të gjelbra. Ndërsa BE-ja po punon në mënyrë aktive në masat mjedisore në të gjithë sektorët – nga sektori i ndërtimit, industria e tekstilit ku apelon tek “moda e shpejtë”, deri te industria e automobilave, makinat elektrike janë përgjigja për çështjet e transportit të qëndrueshëm.
Gjatë vitit 2022, nga shitjet totale të makinave në BE, 36 për qind ishin makina me benzinë, 23 për qind makina hibride, 16.5 për qind makina me naftë dhe 12.1 për qind makina elektrike, sipas të dhënave të Statista. Megjithatë, që nga fillimi i këtij viti, situata është disi ndryshe, shkruan Katror.info.
Mundesh me e lexu edhe…
Tregu i makinave pa një rritje të makinave të reja të regjistruara me bateri në gjysmën e parë të vitit, me të cilat automjetet elektrike tejkaluan për herë të parë numrin e makinave me naftë të regjistruara rishtazi dhe zuri vendin e tretë në listën e zgjedhjeve të llojit të makinave midis blerësve, njoftoi ACEA.
Pjesa e tregut të makinave elektrike u rrit nga 10.7 për qind në 15.1 për qind në qershor. Regjistrimet e këtyre automjeteve nënkuptojnë më shumë se 158 mijë pronarë mjetesh të reja, çka ka çuar në vendin e tyre të tretë në listën e zgjedhjeve të blerësve të makinave të reja.
Makinat hibride elektrike panë gjithashtu një rritje të konsiderueshme, me regjistrime në rritje në Gjermani, Itali, Francë dhe Spanjë. Ato ishin zgjedhja e dytë më e popullarizuar. Megjithatë, makinat me benzinë, pavarësisht rritjes prej 11 për qind të automjeteve të reja të regjistruara, pësuan një rënie të lehtë të pjesës së tregut nga 38.5 për qind në 36.3 për qind. Ndërkohë, dizel vazhdoi prirjen e tij rënëse, me pjesën e tregut që u tkurr në 13.4 për qind, njoftoi ACEA. /Katror.info
Përgatiti:
