Kuzhina meksikane asht nji ndër kuzhinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. E jo kot, tacos, tortillas, enchiladas, tamales e specialitete t’ngjashme kanë zanë vend n’menytë e mijëra restoranteve anë e mbanë.
Specialitetet si tacos, tortillas, enchiladas, nachos e fjaitas vështirë se paramendohen t’servume pa u shoqnu me sosin e famshëm t’avokados, t’njohun si “Guacamole” – sos ky që e pasunon secilën kafshatë me fremozitetin e avokados, por edhe me shijen sa krokante e pak acidike t’domateve e qepëve.
PËRBËRËSIT (servimi për 4-6):
4 avokado (t’pastrume)
1 qepë e kuqe (e grirë imët)
Langu i 1 limete
1 spec i gjelbërt pikant / Halapeno
2 domate romane (t’prera imët)
1 lugë çaji kripë
2 tufa magdanoz (t’grirë imët)
Mundesh me e lexu edhe...
HAPI 1:
Fillimisht griji n’kubëza t’imëta perimet dhe magdanozin. Po ashtu shtrydhe limetën dhe n’nji enë vendose langun e shtrydhun.
Mundesh me e lexu edhe…
Sallatë molle me arra; sallata perfekte për secilin/en gurman/e
HAPI 2:
Pastro avokadot prej lëvoreve dhe largo thelbat e tyre e vendosi gjysmat e avokados n’nji pjatë t’thellë. Shto langun e limetës sipër avokadove.
HAPI 3:
Me piru shtypi avokadot deri sa t’krijohet nji masë e përsheshtë.
HAPI 4:
Shto perimet e grira dhe magdanozin n’përsheshin me avokado. Mos harro me shtu edhe kripën.
HAPI 5:
Me lugë përzije masën mirë deri sa krejt perimet t’mbulohen me avokado dhe servo.
REZULTATI:
Servoje guacamole-n n’pjata t’thella me pak domate, qepë e magdanoz sipër dhe bashkoja nji pjatë çipsa tortille përgjatë darkave ku vendosë me pa naj film apo mbledhë shoqni me nejt, ose shto guacamole sipër pjatave t’nacho-ve t’pjekuna n’furrë.
ose bashkoja këtë super-sos fajita-ve vegjetariane, apo fajita-ve me mish viçi dhe perime bashk me salsa-n pikante meksikane. E për me i dhanë edhe ma shumë hijeshi mbramjeve e mbledhive me shoqni – mos e le pa i shoqnu këto gatesa meksikane me 1 koktell tipik meksikan sikurse asht “Strawberry Margarita” e që definitivisht nuk ke me i ra pishman po e përgatite.
E n’e paqe nda mendjen me eksperimentu me pije e kokteje, përpos këtij koktelli plot shije, t’i mundesh me e përgatitë edhe koktellin e njohun si “Amaretto Sour”, koktellin “Vodka Pineapple” apo edhe nji Gin ‘n’ Tonic sipas recetës sonë klasike.
Por mbasi veç jemi tek kuzhina meksikane, mëso 6 fakte interesante për kuizinën meksikane si dhe 4 fakte t’padëgjume për Tequila-n. Njilloj sikurse për tequila-n, mundesh me mësu se cilat janë 5 faktet ma interesante për Vodkën – pijen e famshme ruse. E nëse ke qejf e je merak edhe n’verë, këtu i gjenë edhe 5 fakte interesante për verërat. Ndërsa, me patjetër ta rekomandojmë me kuptu ma shumë rreth 7 fakteve ma interesante për meraklitë e birrave. Shijo! /katror.info/
Përgatiti:
