Heroina kosovare e maleve, alpinistja, Uta Ibrahimi, së fundmi ka publikuar një video në rrjetin e saj social, Facebook, ku ka falenderuar bashkëshortin e saj, Metodi, për mbështetjen e madhe ndaj saj në rrugëtimin e zgjedhur si alpiniste.
Në këtë postim ajo nuk ka kursyer fjalët më mirënjohëse ndaj burrit të saj, si mbështetje e vazhdueshme në sfidat për ‘mposhtjen e maleve’, ani pse ai nuk ndan të njëjtat aktivitete apo preferenca sportive.
Më poshtë mund të lexoni shkrimin e saj (të përkthyer) të bashkëngjitur në videon e publikuar në Facebook.
Mundesh me e lexu edhe…
”Kur njerëzit më thonë se të jesh e martuar nuk është e mundur të bësh gjëra që të pëlqejnë, ose që ke prioritete të tjera tani e kështu me radhë… Në majë të K2, një vit nga martesa me një njeri të mrekullueshëm, Metodi, për herë të parë jam ngjitur 4 nga majat – tetë mijë metra (Dhaulagiri, Nanga Parbat, Broad Peak dhe K2), dhe e gjithë kjo për shkak të dashurisë dhe mbeshtetjes nga ‘ninxha’ im.
‘Ninxha’ nuk vjen me mua në ekspeditë sepse ky nuk është aktiviteti i tij, nuk është ajo që ai pëlqen. Edhe pse ai, sigurisht që mund të ia dalë. Ai është më i fortë se unë, por ngjitja në 14 majat është projekti im. Është gjëja ime – dhe është e mrekullueshme të kesh dikë që kupton se çfarë është e jotja dhe e tija. Të dua ‘Ninxha’ për gjithë mbështetjen, dashurinë dhe besimin që kemi! Mezi pres të shihemi së shpejti”, ka shkruar ajo në postimin e saj.
Alpinistja, Uta Ibrahimi, tashmë ka mposhtur edhe K2 me lartësi 8,611 m, dhe e ka renditur “Malin Vdekjeprurës” në vendin e 11 në listën e saj të projektit 14/8000. /Katror.info
Përgatiti:
