Shkencëtarët që punojnë në Peru kanë emëruar një specie të re gjarpëri pas Harrison Ford për shkak të mbështetjes që aktori i “Indiana Jones” i dha punës për mbrojtjen e natyrës.
Zvarraniku 40 cm i gjatë u zbulua për herë të parë në maj 2022 në xhunglën malore të Parkut Kombëtar Otishi, njoftoi të mërkurën Universiteti Kombëtar i San Marcos.
Por studiuesit vetëm tani kanë arritur në përfundimin se është me të vërtetë një specie e panjohur.
Mundesh me e lexu edhe…
Krijesa ka ngjyrë të verdhë-kafe me njolla të zeza, bark të zi dhe sy bakri.
Atij iu dha emri shkencor Tachymenoides harrisonfordi.
Gjarpri u gjet nga një ekip i udhëhequr nga biologu amerikano-gjerman Edgar Lehr.
Tani është emëruar pas Fordit sepse ai është i përfshirë në mënyrë aktive në çështjet mjedisore, tha Lehr për AFP. Harrison pranoi të përdorët emri i tij, shtoi ai.
Ai theksoi se gjarpri u zbulua në një zonë të qasshme vetëm me helikopter.
Lehr thotë se ekipit të tij iu deshën shtatë ditë për të gjetur gjarprin.
Gjarpri është i padëmshëm për njerëzit e rritur, por është i suksesshëm në gjuetinë e bretkosave dhe hardhucave, shtoi ai.
Lehr drejtoi një ekip studiuesish nga Universiteti Kombëtar San Marcos, Universiteti Ndërkombëtar i Floridës dhe Universiteti i Illinois Wesleyan.
Salamandra, një revistë gjermane e herpetologjisë, publikoi një studim mbi zbulimin e gjarprit të martën. /Katror.info
Përgatiti:
