UEFA ka ndaluar gjithsej shtatë ndeshje ndërkombëtare futbolli që të zhvillohen ndonjëherë.
Ndryshe nga futbolli i klubeve – ku skuadrat mund të luajnë me njëra-tjetrën pavarësisht nga rivaliteti – futbolli ndërkombëtar është dukshëm i ndryshëm.
Ekipet mund të ndalohen të luajnë me njëra-tjetrën për shkak të konfliktit ose tensionit politik, ndërsa kombeve individuale u është ndaluar tërësisht të konkurrojnë në ngjarje të sanksionuara nga UEFA ose FIFA.
Mundesh me e lexu edhe…
Kur bëhet fjalë për garat e sanksionuara nga UEFA, gjithsej gjashtë ndeshje janë penguar të zhvillohen gjatë disa dekadave të fundit, përcjell Telegrafi.
Rusisë i është ndaluar të luajë në garat e sanksionuara nga UEFA që nga pushtimi i Ukrainës në vitin 2022, por të dy kombëtaret u mbajtën të ndara edhe më parë.
Ata kanë luajtur me njëri-tjetrin vetëm në dy raste dhe jo që nga viti 1999. Rusia mundi Ukrainën 3-2 në kualifikimet për Euro 2000 në shtator 1998, përpara një barazimi 1-1 mes skuadrave gjatë një viti më vonë.
Bjellorusia gjithashtu mbahet e ndarë nga Ukraina, si rezultat i pjesës së tyre në pushtimin e Ukrainës si aleate e Rusisë.
Gjatë asaj periudhe kohore ndodhi lufta në Kosovë, 1998-1999. Forcat serbe kishin tentuar të bënin spastrim etnik të shqiptarëve në Kosovës.
Lufta përfshinte mizori masive dhe spastrim etnik kundër shqiptarëve dhe kërkoi që NATO të ndërhynte kundër Jugosllavisë, duke e detyruar përfundimisht Serbinë të tërhiqej.
Ndeshja Kosovë – Serbi, gjithashtu nuk është një ndeshje që mund të realizohet nga UEFA, ndërsa Bosnja gjithashtu nuk mund të luajë kundër Kosovës për shkak të entitetit të tyre serb Republika Srpska, e cila nuk e njeh pavarësinë e Kosovës.
Serbia dhe Shqipëria mund dhe luajnë kundër njëra-tjetrës, me vullnetin e krerëve të federatave, por jo me vullnetin e tifozëve shqiptarë.
Në vitin 2014, gjatë një ndeshjeje mes dy palëve, flamuri i Shqipërisë etnike u shfaq mbi fushë, me mbrojtësin e Serbisë, Stefan Mitrovic që u përpoq ta përdhoste atë. Rezultati ishte një përleshje masive mes dy skuadrave, tifozët serbë që pushtuan fushën dhe katër lojtarë shqiptarë pësuan lëndime të serioze.
UEFA e pezulloi ndeshjen dhe përfundimisht i dha një fitore 3-0 Shqipërisë.
Rusia gjithashtu nuk mund të luajë me Kosovën pasi është aleate e Serbisë dhe as nuk e njeh pavarësinë e Kosovës.
Gjibraltari dhe Spanja gjithashtu nuk luajnë kundër njëra-tjetrës. Qeveria spanjolle nuk e njeh Gjibraltarin, një territor britanik përtej detit që ndodhet në skajin jugor të gadishullit Iberik, si shtet apo vend. /Katror.info
Përgatiti:
