E përditësuar
Është marrë vendimi që Kosova të organizojë Lojërat Mesdhetare 2030. Lajmi u bë i ditur nga kryetari i Prishtinës, Përparim Rama.
“Lojërat Mesdhetare – Prishtina 2030 janë arritje e madhe për Prishtinën, fitore e madhe për Kosovën dhe Festival i madh sportiv për mbarë kombin shqiptar,” ka shkruar Rama në Facebook.
Mundesh me e lexu edhe…
Gjithashtu lajmi u be i ditur edhe nga Komiteti Olimpik i Kosovës.
****
Asambleja e Përgjithshme e Komitetit Ndërkombëtar të Lojërave Mesdhetare (ICMG) mbahet sot në Heraklion të Greqisë.
Në njërën nga pikat e shumta të rendit të ditës, është edhe kandidatura zyrtare e Kosovës për të organizuar Lojërat Mesdhetare të vitit 2030.
Për kandidaturën e Kosovës me titullin “Prishtina 2030” pritet që asambleja të diskutojë rreth orës 15:00.
Kosova shihet si njëra nga kandidaturat më serioze për ta fituar organizimin e kësaj ngjarje sportive në të cilën marrin pjesë 26 shtete nga tri kontinente, ndërsa Kosova shpreson që të marrë votën pro së paku nga 14 prej tyre.
Para se të vije tek procedura e votimit, kjo asamble pritet që ta ndryshoj pikën 7 të rregullores së tyre e cila ua ndalon shteteve që nuk kanë dalje në det të bëjë organizimin e këtyre lojërave, raporton KosovaPress.
Fjalinë kryesore në prezantimin e kandidaturës së Kosovës do ta ketë Sekretari i Përgjithshëm i Komitetit Olimpik të Kosovës, Besim Aliti.
Megjithëse kanë preferuar të mos deklarohen para se votimi të ndodh, drejtuesit e KOK ut prapa kamerave janë shprehur të bindur se Kosova do të dal triumfuese nga kjo asamble dhe do ta fitojë organizimin e Lojërave Mesdhetare.
I pranishëm në këtë asamble do të jetë edhe Kryeministri i Republikës së Kosovës, Albin Kurti së bashku me ministrin e Ministrisë për Kulturë, Rini dhe Sport, Hajrulla Çeku dhe atë të Financave, Punës dhe Transfereve, Hekuran Murati./Katror.info
Përgatiti:
