OpenAI prezantoi versionin e tretë të platformës së saj gjeneruese të artit vizual me Inteligjencë Artificiale DALL-E, që tani lejon përdoruesit të përdorin ChatGPT-n për të krijuar kërkesa dhe përfshin më shumë opsione sigurie.
DALL-E është një softuer që konverton tekstin në imazhe. Por versioni paraprak DALL-E 2 i ka gabuar udhëzimet, shpesh duke injoruar formulimet specifike, transmeton Telegrafi.
Versioni i fundit, thanë studiuesit e OpenAI, e kupton kontekstin shumë më mirë.
Mundesh me e lexu edhe…
Një veçori e re e DALL-E 3 është integrimi me ChatGPT. Duke përdorur ChatGPT-n, dikush nuk do të ketë nevojë të dalë me kërkesë të detajuar për të udhëzuar DALL-E 3; ata thjesht mund t’i kërkojnë ChatGPT-s të mendojë një kërkesë dhe chatboti do të shkruajë një paragraf (DALL-E funksionon më mirë me fjali më të gjata) që DALL-E 3 ta ndjekë.
Përdoruesit e tjerë mund të përdorin ende kërkesat e tyre nëse kanë ide specifike për DALL-E.
ChatGPT është një chatbot me Inteligjencë Artificiale ku përdorues të shumtë mund të komunikojnë me të për çështje të ndryshme dhe të marrin informata me detaje, pa humbur kohë për të bërë kërkime të shumta në një ueb motor kërkimi. Chatboti është po ashtu në pronësi të kompanisë OpenAI, ku shefe e teknologjisë e kësaj kompanie është shqiptarja Mira Murati. /Katror.info
Përgatiti:
