Pavarësisht pandemisë dhe dy recesioneve të mëdha, numri i makinave në planetin tonë po rritet në mënyrë të pandalshme. A mund ta merrni me mend se sa makina lëvizin aktualisht në rrugët e Tokës?
14 vjet më parë flitej për miliona dhe sot ky numër është rritur në mënyrë drastike. Një pjesë e meritës shkon për besueshmërinë gjithnjë në rritje, por ndoshta nxitjen më të madhe për rritjen e makinave e ka dhënë tregu kinez. Nëse mbledhim të gjitha makinat që lëvizin aktualisht në Tokë, të vjetra dhe të reja, do të arrijmë numrin e pabesueshëm prej 1.47 miliardë ekzemplarë, shkruan Katror.info.
Vlerësimi bazohet në të dhënat e Hedges & Company, dhe na zbulojnë gjithashtu se si këto makina janë të shpërndara nëpër kontinente dhe madje edhe në vetë shtetet e ndryshme, shkruan The Drive.
Mundesh me e lexu edhe…
Nëse mendonit se Amerika e Veriut ishte ende lider me më shumë makina, e keni gabim. Titulli i shkon Kinës me 415 milionë makina të regjistruara në vitin 2022 dhe pikërisht falë Kinës fituese mes kontinenteve është Azia me gjithsej 543 milionë makina.
Pas Azisë vjen Evropa me 413 milionë makina. Më pas vjen Amerika e Veriut me 358 milionë makina, prej të cilave 78% janë në SHBA.
Numri i makinave sipas rajoneve
Azia: 543 milionë
Evropa: 413 milionë
Amerika e Veriut: 358 milionë
Amerika e Jugut: 84 milionë
Lindja e Mesme: 50 milionë
Afrika: 26 milionë
Antarktik: rreth 50
Pyetja tjetër logjike që shumëkush i bën vetes është numri i makinave në raport me numrin e banorëve. Po të kemi parasysh se aktualisht në Tokë jetojnë 8.1 miliardë njerëz, rezulton se ka një makinë për çdo 5.75 banorë, pra se sot ka makina për 17% të popullsisë.
Sigurisht, kjo është vetëm një shifër e përafërt, sepse nuk merr parasysh ata me më shumë se një makinë, fëmijët dhe të gjithë ata që nuk lejohen të kenë një makinë.
Situata në Kinë është e tillë që ka një makinë për çdo 3.5 banorë të Kinës. Pjesa tjetër e kontinentit vozitë dukshëm më pak, vetëm 140 makina për 1000 banorë. Amerika e Veriut ka përqendrimin më të lartë me 710 makina për 1000 banorë, dhe në SHBA ka një përqendrim tre herë më të madh të makinave në mesin e popullsisë sesa në Kinë. Pothuajse çdo banor i SHBA-së ka një makinë, pra një makinë për 1.2 banorë.
Përqendrimi i makinave sipas rajonit:
Amerika e Veriut: 710 makina për 1000 banorë
Evropa: 520 makina për 1000 banorë
Amerika e Jugut: 210 makina për 1000 banorë
Lindja e Mesme: 190 makina për 1000 banorë
Azi: 140 makina për 1000 banorë
Afrika: 58 makina për 1000 banorë
Antarktik: 50 makina për 1000 banorë. /Katror.info
Përgatiti:
