FBI dorëzoi me një ceremoni në konsullatën gjermane në Çikago një vepër të vjedhur të artistit austriak të shekullit 18-të Johann Franz Nepomuk Lauterer.
Art Recovery International, një kompani e fokusuar në gjetjen dhe rikuperimin e artit të vjedhur dhe të grabitur, e gjeti pikturën pasi një burrë nga Çikago e kontaktoi atë vitin e kaluar duke pretenduar se kishte në posedim një pikturë “të vjedhur” që i solli xhaxhai i tij në SHBA pasi kishte shërbyer në Luftën e Dytë Botërore.
Piktura ishte zhdukur që nga viti 1945 dhe u shtua në bazën e të dhënave të Fondacionit Gjerman për Artin e Humbur në 2012
Mundesh me e lexu edhe…
“Fokusi i punës sonë në Art Recovery International është kërkimi dhe restaurimi i veprave të artit të grabitura nga nazistët dhe të zbuluara në koleksione publike ose private. Herë pas here, ne hasim raste të tilla ku ushtarët aleatë mund të kenë marrë sende në shtëpi si suvenire ose trofe lufte,” tha themeluesi i Art Recovery International.
Piktura, e titulluar “Peizazhi i një karakteri italian”, do të ribashkohet tani me pikturën e saj “binjake”, e cila ndan motive dhe imazhe të ngjashme, sipas muzeut.
Dy pikturat së bashku formojnë një skenë panoramike të barinjve dhe udhëtarëve me dhitë, lopët, gomarët dhe delet e tyre në një kalim lumi.
Ato së shpejti do të ekspozohen së bashku për herë të parë që nga Lufta e Dytë Botërore në Alte Pinakothek të Mynihut, sipas kryekuratorit të muzeut të pikturës baroke holandeze dhe gjermane. /Katror.info
Përgatiti:
