Vargu malor Jungfrau është i rrethuar nga luginat e lumenjve Grindelwald dhe Rhone në Alpet jug-qendrore zvicerane midis qyteteve Brig dhe Interlaken.
Majat kryesore të saj arrijnë 4158 metra mbi nivelin e detit dhe e gjithë zona njihet si terren jashtëzakonisht i vështirë për alpinizëm. Megjithatë, përveç natyrës së ashpër dhe tepër të bukur këtu, ky rajon njihet edhe për një gjë tjetër.
Jungfraubahn është linja hekurudhore më e lartë në Evropë. Majat përreth janë më të larta se 4000 metra dhe për të gjithë turistët që nuk janë të aftë në këto aktivitete ka trena malorë për të shijuar bukurinë e natyrës pa ndonjë mund të madh. Udhëtarët shijojnë pamjet deri në 3450 metra mbi nivelin e detit, duke përfshirë një udhëtim nëpër një tunel 7 kilometra të gjatë. Këtu ndodhet Eigerwand, një stacion treni i gdhendur në shkëmbinjtë krenarë të maleve të fuqishme.
Mundesh me e lexu edhe…
Puna në hekurudhë filloi në vitin 1896 dhe ajo u hap zyrtarisht më 1 gusht 1912. Hekurudha shtrihet në një gjatësi prej rreth 9 kilometrash dhe pjesa më e madhe e saj kalon përmes një tuneli të gërmuar në brendësi të majave Mönch dhe Eiger, për të mbrojtur hekurudhën nga kushtet ekstreme të motit.
Përveç stacioneve të nisjes dhe mbërritjes, hekurudha ka edhe dy stacione të ndërmjetme brenda tunelit. I pari është stacioni Eigerwand, në pjesën e tunelit që kalon në brendësi të anës veriore të majës Eiger. Ndodhet në një lartësi prej 2865 metrash.
E vetmja qasje në stacionin Eigerwand që nuk është me tren është një kalim i bërë në shkëmbinj. Qafa quhet Stollenloch, dhe “vrima” u krijua gjatë ndërtimit të hekurudhës për të hequr gurët dhe dheun.
Hekurudha Jungfrau konsiderohet si arritja e fundit inxhinierike teknike e fundit të shekullit të 19-të, e ndërtuar praktikisht pa makineri, vetëm me kazma, lopata dhe fuqi të muskujve./Katror.info
Përgatiti:
