Në një ngjarje të zhvilluar sot në Prishtinë, Asociacioni i Gazetarëve të Kosovës (AGK) ka prezantuar një udhëzues të politikës editoriale, i zhvilluar përmes një projekti të mbështetur nga UNMIK, shkruan Katror.info.
Ky udhëzues përmban rekomandime dhe praktika të rëndësishme që synojnë forcimin e përgjegjësisë në media dhe përmirësimin e procesit të verifikimit të fakteve, duke u përpjekur për të luftuar dezinformimin dhe manipulimin e mediave.
Ky projekt është një hap përpara në realizimin të 27 rekomandimeve nga Forumi i Ndërtimeve të Besimit të Kombeve të Bashkuara për Kosovën, që ka për qëllim të forcojë besimin dhe marrëdhëniet ndër-etnike në vend. Politika është zhvilluar nga redaktorë, gazetarë, organizata mediatike dhe avokatë që përfaqësojnë grupe të ndryshme shoqërore dhe ka për qëllim të adresohet në çdo redaksi mediatike në Kosovë.
Mundesh me e lexu edhe…
Elementët kyç të politikës përfshijnë: Etikën, transparencën dhe pavarësinë editoriale, mbrojtjen e të dhënave dhe privatësinë, përfaqësimin e diversitetit dhe ndjeshmërinë sociale.
UNMIK vazhdon të angazhohet me organizatat e shoqërisë civile, institucionet dhe mediat e Kosovës për të mbështetur iniciativa që ndihmojnë në ndërtimin e besimit dhe forcimin e marrëdhënieve ndër-etnike./Katror.info
Përgatiti:
