Një restorant në Tuluzë ofroi një dhuratë të pazakontë dhe unike në prag të Ditës së Shën Valentinit më 14 shkurt. Bëhet fjalë për një buqetë me lule të bëra nga ëmbëlsirat. Kjo dhuratë përmban lule prej karamelesh dhe kek, të gjitha të zbukuruara me lule të vërteta, të thata.
Klientët mund të zgjedhin buqeta sipas shijes së tyre, lule karamele me çokollatë, vanilje ose limon me ëmbëlsira të vogla në ngjyra të ndryshme, ose tortën e famshme “madeleine”, të përjetësuar nga shkrimtari i madh Marcel Proust, me shije limoni ose portokalli.
Buqeta mund të përfshijë ‘pralina’ me shije trëndafili ose biskota me shije vjollce. Çmimi i buqetave varion nga 15 deri në 30 euro, shkruan Top Albania Radio.
Ndërkaq, rojet e një burgu të vjetër anglez po u ofrojnë çifteve mundësinë për një darkë në qeli, vetëm për 199 euro. Burgu i Oksfordit në Angli, i cili ishte aktiv një mijë vjet më parë, pritet të shndërrohet në një restorant me menu shumë më të mirë se ushqimi normal në një burg.
Të ftuarit mund të zgjedhin të darkojnë në qelitë e kriminelëve famëkeq si vrasësit e akuzuar Mary Blandy ose Anne Greene. Tavolina e ndriçuar dhe me trëndafila të kuq është ambienti i darkës që për pjatë kryesore mund të ketë mish por edhe opsione me ushqime vegjetariane./Katror.info
Përgatiti:
