Fondacioni për të Drejtat e Kafshëve ka njoftuar se pas pothuajse 200 vitesh, kastori euro-aziatik është rikthyer në natyrën e Kosovës.
Në njoftim thuhet se ky rikthim është një shenjë e mirë, pasi tregon se numri i tyre mund të rimëkëmbet.
“Organizata jonë ka kërkuar nga Ministria e Mjedisit, Planifikimit Hapësinor dhe Infrastrukturës të shqyrtojë mundësinë e përfshirjes së kastorit në listën e kafshëve strikt të mbrojtura dhe të ndërmarrë masa për mbrojtjen e tij, në përputhje me legjislacionin në fuqi. Po ashtu, kërkojmë që të shqyrtohet mundësia e marrjes së një vendimi zyrtar për mbrojtjen e kastorit, në mënyrë që të mos vritet nga gjuetarët apo njerëzit në përgjithësi”, thuhet në njoftimin e tyre.
Mundesh me e lexu edhe…
Gjithashtu, thuhet se kastorët janë një specie kyçe për ekosistemin dhe ndikimi i tyre pozitiv në natyrë është i jashtëzakonshëm:
💧 Përmirësojnë cilësinë e ujit – Digat që kastorët krijojnë ndihmojnë në filtrimin e ujit, duke përmirësuar cilësinë e tij dhe duke mundësuar krijimin e habitatit për specie të tjera.
🌍 Rivendosin balancën e natyrës – Kastorët ndikojnë në stabilizimin e ekosistemeve dhe ruajnë ekuilibrin natyror, duke siguruar që ajo të funksionojë në mënyrë të qëndrueshme dhe të shëndetshme.
⏳ Parandalojnë gërryerjen e tokës – Digat që ndërtojnë kastorët ndihmojnë në mbajtjen e dheut dhe rërës në vend, duke parandaluar shembjen e brigjeve të lumenjve dhe përrenjve. Kjo mbron tokën nga dëmtimet dhe ndihmon në krijimin e një ekosistemi më të qëndrueshëm..
/Telegrafi/Katror.info/
Përgatiti:
