Stilistja e njohur shqiptare Alisa Dudaj ka marrë pjesë në eventin e rëndësishëm të modës, “New York Fashion Week”, ku ka prezantuar koleksionin e ri dhe tepër unik. Veshje të veçanta, në të cilat ringjallja e elementeve tradicionalë është thelbi i punës së saj, detaje që të dhurojnë “look”-e kaq të bukura dhe që menjëherë mund të biesh në dashuri me to.
Dudaj është diplomuar si Fashion Designer në maj të vitit 2022, me rezultatet maksimale, në Parsons School of Design, Nju Jork. Puna e saj ka marrë vlerësime të shumta, prej të gjithë profesorëve atje, të cilët janë emra të shquar të modës në botë.
“U përpoqa të sillja një frymë të re në veshjet moderne, bazuar në traditën shqiptare. Shumë prej copave janë realizuar me teknika shumë inovative dhe të parealizuara më parë, të punuara nga unë me dorë. Por, disa veshje u realizuan me ndihmën e artizanëve shqiptarë”, është shprehur stilistja në një intervistë pak kohë më parë.
Mundesh me e lexu edhe…
Dashuria për punën e saj, stili i veçantë si dhe profesionalizmi tipik i një stilisteje që dyert e Javëve të Modës dhe eventeve të tjera madhështore i hapen lehtësisht, e bëri Alisën fituese të çmimit të parë të konkursit “Muza Competition” dy vite më parë./Living/al/Katror.info
Përgatiti:
