Disa mënyra për të qenë kreativ çdo ditë!

Një balancim mes vetë-shprehjes dhe orarit të ngjeshur mund të jetë i vështirë, por përfitimet që sjell krijimtaria janë të jashtëzakonshme.

Ja disa sugjerime nga Jem Collins, për t’u përfshirë në aktivitete krijuese, pa ndier presionin për t’u bërë perfekt.

Largoni presionin

Krijimtaria është për të qenë argëtues, dhe kur i vëmë vetes presion për të krijuar diçka të përsosur, bëhet më e vështirë të arrijmë në rezultatete që dëshirojmë.

Siç thotë Elaine Harrison, një trajner i mundësive personale, ‘Nuk është për t’u bërë perfekt, por për të qenë kurioz dhe të guximshëm’.

Erik Shuckers, menaxher i Qendrës për Krijimtari në Universitetin e Pittsburgh-ut, tha që “Imperfeksioni është interesant sepse është njerëzor dhe shpreh pasionin dhe kuriozitetin, krijimtaria është një proces i pasigurt që ndihmon në zbërthimin dhe zhvillimin e shpirtit tuaj”.

Shfrytëzoni mundësitë në jetën e përditshme

Kur mendojmë për aktivitete krijuese, shpesh ndalemi tek arti dhe zanatet, por krijimtaria mund të shfaqet në shumë forma të tjera. Mund të provoni të gatuani një pjatë të re dhe eksperimentoni me përbërës të panjohur, të krijoni një veshje të re nga rrobat që tashmë i keni në garderobë, ose të bëni ndryshime të vogla në hapësirën tuaj duke shtuar një vazo me lule apo duke rregulluar mobiljet.

Po ashtu, mund të shpikni një këngë gjatë udhëtimit tuaj ose të krijoni histori argëtuese dhe imagjinare për të huajt që takoni në rrugë.

Mbani shënime

Kur ndiheni të frymëzuar, është e natyrshme të doni të kapni idetë tuaja menjëherë, dhe kjo mund të ndihmohet duke mbajtur gjithmonë një shënim me vete.

Edhe pse mund të jetë joshëse të përdorni telefonin, kalimi nga teknologjia në shkrimin me dorë mund të ndihmojë për të çliruar krijimtarinë.

Josephine Grant, një printuese nga Devon, thotë që gjithmonë ka një fletore me vete për të kapur momentet e frymëzimit që kalojnë shpejt.

“Ka diçka shumë njerëzore në shkrimin e këtyre ideve para se ato të humbasin në ngutjen e përditshme,” thotë ajo.

Lini kohë për të ëndërruar

Në një botë ku mendjet tona janë gjithmonë të mbushura me mendime dhe detyra, është e rëndësishme të gjejmë kohë për të ëndërruar dhe për të lejuar mendjen të shndërrohet në një hapësirë për krijimtari.

Isabella Strambio, artiste sugjeron aktivitete që kanë një ritëm fizik, si punimi me gishta, duke përmendur se ‘pasi të keni mësuar teknikat e thjeshta, mendja juaj rrjedh’.

Po ashtu, neurologu Marcus Raichle thotë se ‘kur ëndërrojmë, jemi në qendër të universit’, këto momente të fikjes së mendimeve aktive ndihmojnë që idetë dhe lidhjet e papritura të shpërthejnë.

Punoni me të tjerët

Krijimtaria shpesh është e lidhur me një proces të vetmuar, por bashkëpunimi me të tjerët mund të stimulojë më shumë ide dhe mundësi.

Nicole Rixon, themeluese e kompanisë britanike të prodhimit të videove ‘Bridget Productions’, thotë se ka kuptuar se krijimtaria është një proces që kërkon bashkëpunim.

“Kam menduar se krijimtaria ishte një aktivitet i vetëm, por është diçka që jeton dhe zhvillohet në grup është një proces që kërkon një fshat.” tha ajo.

Mund të krijoni mundësi për të punuar me të tjerët, si organizimi i një grupi pikture, një shëtitje fotografike apo madje krijimi i një kuilti kolektiv ose një murali që bashkon ide dhe kreativitet nga individë të ndryshëm.

Të gjitha këto mund të jenë mënyra për të integruar krijimtarinë në jetën tuaj të përditshme, duke sjellë lindje të ideve dhe mundësinë për të shprehur veten më shumë. /Katror.info