Edhe pse BMW po punon me shpejtësi në elektrifikimin e prodhimeve të veta, modelet nga divizioni M kanë qenë imune ndaj ndryshimeve të mëdha. Edhe zvogëlimi i modeleve u ndal dhe përfundimisht pati dallime konceptuale midis BMW dhe Mercedes.
Edhe pse në vitin 2022 Frank Weber nga programi për zhvillim i BMW-së dha sugjerime se M3 i ri mund të bëhej elektrik, sot qëndrimi ndryshon.
Nuk ka asnjë nxitim, kështu që në një intervistë për Australian Drive, Frank van Meel, drejtor i departamentit M të BMW, shpjegoi se si qendrojnë gjërat. Ai konfirmoi se kalimi në energji elektrike është një mundësi e hapur, por vetëm nëse rezulton se është një opsion më i mirë se prodhimi aktual.
Sipas tij, çdo model i gjeneratës së ardhshme duhet të jetë më i mirë se ai që trashëgon. Pra, nëse mund të bëjë më mirë, mund të funksionojë me energji elektrike, dhe nëse jo, mbetet me benzinë.
“Logjika është shumë e thjeshtë,” tha ai.
“Modeli i radhës (M3) ose (M4) duhet të jetë më i mirë se ai aktuali. Dhe nëse mund të bëhet në mënyrë elektrike, atëherë ndoshta do të jetë elektrik. Nëse jo, do të qëndrojmë me motorin me djegie të brendshme. Është shumë e thjeshtë. Por sigurisht që ne po përpiqemi ta bëjmë atë thjesht elektrik”, tha Van Meel, duke përjashtuar çdo mundësi për të ofruar njëkohësisht koncepte të ndryshme me lëvizje elektrike dhe me gaz hibrid, shkruan Katror.info.
Për kujtesë, M3 dhe M4 aktual fuqizohen nga një motor me gjashtë cilindra 3.0 në linjë me 510 kuaj fuqi dhe 650 Nm, i cili mundëson një shpejtësi deri në 100 km/h për 3.5 sekonda. Pesha e mjetit bosh është 1855 kg.
Modeli elektrik i4 M50 ka 544 kuaj fuqi dhe 795 Nm, shpejtësinë 100 km/h e arrin për 3.9 sekonda dhe ka një distancë deri në 519 km. Masa e mjetit është 2290 kg.
Aktualisht, raportet e fuqisë janë afër, por në fund të fundit do të vendosin dinamika e drejtimit, performanca e përgjithshme dhe ndjenja e drejtimit. /Katror.info
Përgatiti:
