Akupunktura, një praktikë e mjekësisë tradicionale kineze, është një nga ndërhyrjet mjekësore komplementare dhe integruese më të përdorura në mbarë botën.
Megjithëse lehtësimi i dhimbjes është qëllimi më i zakonshëm i akupunkturës, studiuesit po studiojnë nëse ajo mund të përdoret për të trajtuar gjendje të tjera shëndetësore, siç është depresioni.
Shumë njerëz me depresion e konsiderojnë terapi plotësuese akupunkturën. Një arsye është se akupunktura shoqërohet me më pak efekte anësore sesa ilaçet kundër depresionit.
Mundesh me e lexu edhe…
Më tej, qëllimi qendror i akupunkturës është të rivendosë ekuilibrin në trup duke rritur rrjedhën e chi, ose energjinë vitale, ndërsa lodhja dhe mungesa e energjisë janë simptoma të zakonshme të depresionit, thotë Dr. Jasdeep Sandhu, psikiatër integrues në Atlanta. Përveç kësaj, akupunktura përdoret gjerësisht për të lehtësuar dhimbjen, e cila në vetvete mund të shkaktojë depresion ose të shkaktohet nga depresioni.
– Njerëzit që vuajnë nga depresioni shpesh kanë një ndjenjë dhimbjeje dhe mungesë energjie, ndërsa akupunktura ka një mënyrë unike të punës me energjinë dhe kanalet, apo meridianët, në trupin tonë për të rivendosur ekuilibrin – thotë doktor Sandhu, transmeton Telegrafi.
Gjatë një trajtimi me akupunkturë, gjilpëra të holla futen në lëkurë në pika të veçanta të trupit për të stimuluar sistemin nervor qendror.
Kjo shkakton lirimin e substancave në muskuj, palcën kurrizore dhe trurin që aktivizojnë proceset natyrale të shërimit të trupit, gjë që promovon mirëqenien e përgjithshme fizike dhe emocionale.
Akupunktura synon gjithashtu të rregullojë çekuilibrat hormonalë dhe të rrisë nivelet e substancave “të mira” në tru, si dopamina dhe serotonina, thotë Nell Smircina, doktoreshë e akupunkturës dhe mjekësisë orientale. Ndryshimet në substancat e trurit si këto janë një shkak i mundshëm i depresionit.
Çfarë përfitimesh të mundshme tregojnë studimet për trajtimin e depresionit me akupunkturë?
Akupunktura është treguar premtuese për depresionin në studime të shumta. Një nga më të mëdhatë, një përmbledhje e botuar në bazën e të dhënave Cochrane të Rishikimeve Sistematike, vlerësoi 64 studime të akupunkturës për depresionin që përfshinin më shumë se 7,100 pjesëmarrës. Akupunktura është gjetur të jetë mesatarisht efektive në reduktimin e ashpërsisë së depresionit në krahasim me trajtimet standarde të depresionit ose pa trajtim fare.
Një tjetër përmbledhje sistematike e 29 studimeve, botuar në gusht 2019 në Journal of Clinical Medicine, zbuloi se akupunktura ishte një ndihmesë e trajtimeve standarde të depresionit.
Problemi është se studimet e kryera deri më tani kanë disa kufizime, një nga më të rëndësishmet prej të cilave është se ato nuk sqarojnë se si akupunktura përballet me psikoterapinë ose mjekimin, të cilat janë trajtime standarde për depresionin.
A është mirë të mbështeteni vetëm në akupunkturë për të menaxhuar depresionin?
Me një fjalë, jo. Edhe pse akupunktura mund t’ju ndihmojë të ndiheni më mirë, ajo nuk është një zëvendësim për trajtimet standarde të depresionit, thotë Dr. Smircina.
Nëse dëshironi të provoni akupunkturën, bëjeni atë së bashku me terapinë e bisedave, medikamentet ose opsione të tjera trajtimi të hulumtuara mirë.
Dr. Sandhu është dakord dhe rekomandon gjithashtu t’i tregoni akupunkturistit saktësisht se çfarë dëshironi të arrini me akupunkturë, si për shembull lehtësimin nga dhimbja, humori i ulët ose lodhja e shkaktuar nga depresioni.
Efektet anësore të mundshme të akupunkturës janë shpesh të vogla dhe mund të përfshijnë dhimbje, mavijosje të lehtë ose gjakderdhje aty ku vendosen gjilpërat.
A ia vlen të provohet akupunktura për depresion?
Nuk ka prova të mjaftueshme që akupunktura në të vërtetë lehtëson simptomat e depresionit. Në përgjithësi, megjithatë, akupunktura besohet të jetë e sigurt kur kryhet siç duhet.
– Për fat të mirë, akupunktura është një metodë tepër e sigurt dhe ka efekte anësore shumë të pakta dhe të rralla – thotë doktoresha Smircina.
Po Sandhu pajtohet, duke argumentuar se akupunktura është përgjithësisht e sigurt për sa kohë që ju zgjidhni të shkoni te një profesionist i trajnuar, i licencuar dhe i certifikuar.
A mund të ndihmojë akupunktura e veshit me humbjen e peshës?
Por para së gjithash, është e rëndësishme të flisni me mjekun tuaj përpara se të vendosni të shkoni për akupunkturë. Smircina beson se “mjeku ose psikiatri juaj dhe akupunkturisti juaj duhet të komunikojnë dhe të mbajnë parasysh qëllimet tuaja,” thotë ajo. /Katror.info
Përgatiti:
