Action Bronson – një gërshetim mes muzikës rap dhe kuzhinës

“Në ditën e 11 korrikut të vitit të zotit 2024 do të realizojë ofertën më të re muzikore ‘Johan Sebastian Bachlava The Doctor’. Ua ofroj këtë art për të përkujtuar jetë dhe gëzim kudo,” postoi Action Bronson në Instagram më 6 korrik të këtij vit, duke falenderuar siç ka thënë “kokat dhe anëtarët e rinj” që kanë qenë në “Bachlava Records” që nga dita e parë.

Dhe ashtu edhe bëri. Action Bronson e publikoi albumin e tij të fundit më 11 korrik për nder të ditëlindjes së 80-të të nënës së tij. Albumi vë në pah aftësitë lirike të Bronson të bashkëdyzuara me punën e producentëve Alchemist, Daringer dhe vetë Bronson.

Arti i Bronson-it shkëlqen në “Johann Sebastian Bachlava The Doctor”, duke rikonfirmuar statusin e tij si një tekstshkrues i vërtetë. Bronson nuk i shmanget kurrë të qenit vetvetja. Kjo është një nga cilësitë e shumta të reperit mendjehapur.

Përtej muzikës, ndërmarrjet e larmishme të Bronson-it, të tilla si bashkëpunimet e tij të njohura me brendet si New Balance, shfaqja e tij e gatimit në “F*ck, That’s Delicious” dhe roli i tij si një influencues fitnesi – nxjerrin në pah suksesin e tij të shumanshëm.

I njohur për përdorimin e fjalëve të “papastërta” dhe për humorin e tij, Action Bronson i kërkon “jetës së tij të kaluar si kuzhinier” që t’i hedh poshtë njohuritë kryesore të tij të kuzhinës.

Kuzhinieri, shkrimtari, mundësi dhe prezantuesi televiziv i kudondodhur me mjekër të zjarrtë, është kthyer në një sensacion repi.

Action Bronson, i njohur për personalitetin e tij të bujshëm, të pëlqyeshëm dhe humorin e hollë, ku përdor vjersha për kuzhinën dhe kryen goditje te herëpashershme edhe ndaj vetes, është po aq i njohur edhe për komentet e tij të rrepta dhe të diskutueshme duke e gjetur veten në “ujë të nxehtë” më shumë sesa një herë.

Reperi doli nga nëntoka në fillim të viteve 2010 me albumin “Dr. Lecter”. Titulli i albumit i referohet Dr. Hannibal Lecter, një personazh në filmin psikologjik-triller-horror “The Silence of the Lambs”

Albumi kishte producent Tommy Mas. Pasi dëgjoi këtë album, producenti Statik Selektah bashkëpunoi me Bronson në një album të titulluar “Well Done”, i publikuar më 22 nëntor 2011. “Mr. Wonderful” (Zotëriu i mrekullueshëm, 2015), e vendos Action Bronson në qendër të vëmendjes në botën e repit. Albumi ishte i treti më i shitur në Shtetet e Bashkuara brenda një jave

Që atëherë ai e ka zgjeruar shtrirjen e tij si një personalitet televiziv, autor dhe aktor, së fundmi edhe si mundës (Wrestler) dhe ka zhvilluar të gjitha këto veprimtari me punë dhe me rritjen e vazhdueshme artistike të shfaqur në të gjitha format.

I lindur si Ariyan Arslani, më 2 dhjetor 1983, nga babai mysliman shqiptar dhe nëna hebreje amerikane, është rritur sipas traditës së babait të tij në agjen Queens’ Flushing, në Nju Jork. Ai ndoqi shkollën e mesme Bayside, në Queens, dhe u diplomua në vitin 2002. Përpara se të fillonte një karrierë si reper, që fillimisht ishte vetëm një hobi, Bronson punoi si kuzhinier në restorantin mediteran të babait të tij në Forest Hills. Më vonë ai drejtoi emisionin e tij të gatimit në internet “Action in the Kitchen” (Veprimi në kuzhinë). Pasi theu këmbën e tij në kuzhinë, Bronson u përqendrua vetëm në muzikën rep.

Vepra e parë e madhe e Bronson mbërriti në formën e një “mixtape” të vitit 2007 si anëtar i grupit Outdoorsmen, i cili u pasua nga disa vargje rep dhe një kënge solo. Karriera e tij arriti të vërehet në 2011, një vit në të cilin ai publikoi mixtape-in ​​e tij debutues, si dhe dy albumet e tij të para.

Pasi Bronson publikoi “mixtapet” të regjistruara me Party Supplies dhe The Alchemist, reperi bëri debutimin e tij në labelin Atlantic (nëpërmjet Vice Records) në 2013 me Saaab Stories, një EP i prodhuar nga Harry Fraud. Duke pasur parasysh se në këtë EP ai i kishte mysafirë Prodigy dhe Raekwon, dy nga frymëzimet kryesore të tij gjatë viteve ’90 të, EP-ja arriti në vendin e gjashtë në listën e Rapp Billboard.

Bronson vazhdoi të grumbullonte vargje drejt albumit të tretë “Mr. Wonderful”. Suksesi i këngës para publikimit “Baby Blue”, ku shfaqej Chance the Reper, ndihmoi për të arritur në numrin dy në tabelën e repit dhe në numrin shtatë në Billboard 200.

Deri më sot ai numëron tetë albume në studio, dy EP dhe disa “mixtape” dhe një numër të konsiderueshëm të këngëve solo. Ai ka performuar edhe përkrah Eminem dhe Kendrick Lamar.

Bronson shpesh këndon për ushqimin në këngët e tij. Ai është gjithashtu i njohur për aludimet e tij të shpeshta dhe të paqarta për atletët dhe ekipet sportive. Tekstet e Bronson shpesh i referohen sporteve në qytetin e Nju Jorkut, por prekin edhe tema më të paqarta si mundësit profesionistë, truprojat, patinazhi artistik dhe bastet sportive.

Action Bronson luajti në dy seri televizive të cilat u transmetuan në kanalin Viceland, shfaqjen e udhëtimeve ushqimore “F*ck, That’s Delicious” dhe një Talk Show nate për ushqimin “The Untitled Action Bronson Show”.

Ai gjithashtu luajti në serinë e dokumentarëve komedi “Action Bronson” dhe Friends Watch ‘Ancient Aliens”.

Ai ka pasur role në filmat The “Irishman” (2019), duke luajtur një shitës arkivoli, përkrah Al Paçinos, Robert De Niros dhe Joe Pescit, dhe “The KIng of Staten Island (2020). Bronson gjithashtu bëri një paraqitje për All Out të AEW më 4 shtator 2022, dhe luftoi ndeshjen e tij të parë profesionale të mundjes në Grand Slam, duke u bashkuar me mundësin profesionist, Hook për të mposhtur profesionistët Matt Menard dhe Angelo Parker.

Bronson ka shkruar tri libra. Libri i parë është “F*ck, That’s Delicious”, në bashkautorësi me shkrimtaren e ushqimit Rachel Wharton fituese e çmimit James Beard. Libri fitoi çmimin IACP Cookbook Design Award, dhe u bë bestseller i New York Times. Libri “është një britmë deri në qiell për dashurinë ndaj ushqimit” nga Action Bronson, i cili qysh atëherë konsiderohej një nga personalitetet më argëtuese të ushqimit në internet.

Për fansat e shfaqjes së tij dhe stilit të tij “gonzo” të ushqimit dhe jetës, nuk mund të kishte libër më të mirë dhurate sesa ky koleksion nga Action Bronson.

Libri i dytë “F*ck It, I’ll Start Tomorrow” (Në dreq, do të filloj nesër) është një kronikë brutale e sinqertë për luftën me peshën, varësinë ndaj ushqimit dhe rrugëtimin drejt vetëpranimit. Libri nuk është një udhërrëfyes për të arritur një të ashtuquajtur trup perfekt. Në vend të kësaj, libri udhëzon se si të gjendet vetëbesimi dhe të mbahen larg ndjesitë negative. Bronson aty premton se do të qëndrojë i arsyeshëm, do të qetësohet dhe nuk do të shikohet në pasqyrë duke shpresuar ta shohë dikë tjetër përveç vetes.

Libri i tretë “Stoned Beyond Belief”në bashkautorësi prapë me Rachel Wharton është ultimatumi i fundit i dashurisë për bimën më magjike në botë, marihuana apo weed.

Ky është një eksplorim i çdo cepi të vazove të marihuanës apo ‘barit’, nga analizat botanike shumë shkencore dhe studimi i përfitimeve mjekësore deri te një udhëzues për botën e egër të produkteve të marihuanës. Është gjithashtu një nderim shumë personal për një substancë që Bronson i referohet si ndryshimi i jetës së tij, zgjerimi i horizontit dhe një kanal për lumturinë.

Ky libër paraqet një përvojë emocionuese dhe një burim të vlefshëm argëtues për adhuruesit e marihuanës.

Action Bronson si ndikim në krijimtarinë e tij përmend reperët tjerë amerikanë Kool G Rap, Nas, Cam’ron, Mobb Deep, UGK dhe Klanin Wu-Tang. Ai gjithashtu thotë se ndikim të madh tek ai patën Michael Jackson, Carlos Santana, Queen si dhe këngëtarë shqiptarë të dasmave.

Ariyan Arslani emrin artistik Action Bronson e ka marrë shkaku i gjyshit të tij me të cilin si fëmijë shikonte filma aksion të aktorit të njohur të këtij zhanri Charles Bronson. Me këtë ai thotë se i bën homazh edhe gjyshit të tij edhe aktorit Charles Bronson./Katror.info