Revista Film School Rejects renditi pesë filma të regjisorëve që formësuan qasjen krijuese të Greta Gerwig, regjisores së filmit Barbie, dhe gjithashtu veçoi disa filma që ndajnë ngjashmëri me hitin e saj që aktualisht po mbushë arkat, shkruan Katror.info.
Cadrat e Cherbourg (1964)
Klasiku i Jacques Demy-t The Umbrellas of Cherbourg ndjek 16-vjeçaren Geneviève teksa mendon të ardhmen e saj pasi i dashuri i saj dërgohet në Algjeri.
Mundesh me e lexu edhe…
Gerwig pranoi se stili vizual i filmit Barbie ishte frymëzuar shumë nga ky film. “Ne folëm për një gamë ngjyrash me shtresa dhe se si të arrijmë pesë nuanca të ndryshme të rozës ose të kuqes brenda një fotografie, pa u dukur e jashtëzakonshme”.
Biondina nga Harvardi (2001)
Elle Woods ndjek ish të dashurin e saj në Harvard për të lyer të gjithë kampusin rozë.
Ajo dhe Barbie ndajnë shumë ngjashmëri, dhe kjo komedi simpatike dhe e mprehtë sfidon në mënyrë inteligjente dhe argëtuese paragjykimet për vajzat tërheqëse.
Me një buxhet modest prej vetëm tetëmbëdhjetë milionë dollarësh, që është mjaft i ulët për standardet e sotme të Hollivudit, filmi arkëtoi deri në 95 milionë dollarë në arkat amerikane.
Shfaqja e Trumanit (1998)
Truman Burbank shijon një jetë të qetë në një periferi idilike, por shpejt fillon të dyshojë se e gjithë jeta e tij është një gënjeshtër.
Truman Show, një kryevepër e gjeniut Peter Weir, është një klasik modern që ndan shumë ngjashmëri me botën e Barbie, veçanërisht në aspektin e realitetit të ndërtuar dhe një udhëtimi të thellë të vetë-zbulimit.
Splash (1984)
Në filmin Splash, ne ndjekim biznesmenin njujorkez Allen i cili bie në dashuri me Madison, një vajzë me një sekret të madh – ajo është në të vërtetë një sirenë.
Edhe pse Barbie nuk është sirenë, vajza nga Splash ka shumë ngjashmëri me Barbien, ndër të tjera, injorancë ndaj zakoneve njerëzore, por aftësi të madhe në krijimin e kombinimeve të guximshme të modës në Bloomingdale.
Barb dhe Star në Rrugën për në Vista Del Mar (2021)
Dy miqtë më të mirë të moshës së mesme bëjnë një udhëtim në Florida pasi kuptuan se diçka mungon në jetën e tyre. Vendpushimi titullar bëhet sfondi për histori dashurie lozonjare, qëllime të rinovuara dhe komplote të ndërlikuara të ngjashme me ato në filmat e Bond.
Kjo komedi, e cila kaloi pa u vënë re për shkak të publikimit të saj në mes të pandemisë, është një ngritës humori shumëngjyrësh, absurdist që do të kënaqë të gjithë adhuruesit e kicit të mirë./Katror.info
Përgatiti:
