Kompania Rajonale e Menaxhimit të Mbeturinave (KRM) “Pastrimi” SH.A, ka njoftuar të gjithë klientët e saj se afati i fundit për pagesën e faturave të mbeturinave është 1 Prill 2025.
Pas kësaj date, KRM “Pastrimi” ka theksuar se të gjithë ata që nuk kryejnë obligimet e pagesës do të procedohen tek Përmbaruesi Privat.
“Për të shmangur procedurën e Përmbaruesit Privat dhe kostot shtesë, KRM “Pastrimi” i inkurajon klientët që të kryejnë pagesat e mbetura brenda këtij afati”, thuhet në njoftim.
Mënyrat për të realizuar pagesën janë të lehta dhe të përshtatshme për të gjithë: Platforma eKosova, me letërnjoftim për amvisëri dhe numër biznesi për biznese, zyrat e pagesës në të gjitha njësitë operative të KRM “Pastrimi”, inkasantët në terren që janë të disponueshëm për t’ju asistuar.
Mundesh me e lexu edhe…
Për klientët që kanë borxhe të akumuluara, KRM “Pastrimi” ofron mundësinë e riprogramimit të borxhit deri në 12 muaj.
KRM “Pastrimi” ju bën thirrje që të kryhen pagesat e faturave për të shmangur pagesat shtesë dhe për të ruajtur shërbimin e rregullt të menaxhimit të mbeturinave.
Kujtojmë se para disa muajve Komuna e Prishtinës njoftoi se nga 1 janari qytetarët e Prishtinës nuk janë të obliguar të paguajnë faturat e mbeturinave ndaj KRM “Pastrimi”. Ky njoftim shkaktoi reagime të forta nga kompania publike e menaxhimit të mbeturinave, e cila cilësoi këtë vendim të jashtëligjshëm dhe arbitrar, duke e akuzuar komunën për shkelje ligjore dhe krijim të konfuzionit mes qytetarëve.
Ndërkohë, qytetarët vazhdojnë ende të mos e kenë të qartë se ku të paguajnë faturat e mbeturinave. /Katror.info
Përgatiti:
