Gjetja e një partneri përmes një shërbimi të njohur takimesh duhet të bëhet më e lehtë dhe më efikase.
Kur hapin një profil në Tinder, shumë përdorues kanë të njëjtin problem – zgjedhin foton më të mirë të mundshme të profilit me të cilën do të rrisnin gjasat për t’u lidhur me njerëz të tjerë dhe për të gjetur një shpirt binjak. Ky shërbim takimesh ka gjetur një zgjidhje për këtë problem, dhe kjo zgjidhje është inteligjenca artificiale. Kështu, Tinder filloi testimin e një mjeti të bazuar në AI që do t’i ndihmojë përdoruesit të zgjedhin foton më të mirë të profilit, shkruan Katror.info.
Gjithçka që duhet është të futet inteligjenca artificiale në albumin e fotografive në telefon dhe ai do të zgjedhë pesë fotografitë më të mira, domethënë fotot që do t’i shfaqin përdoruesit në dritën më të mirë. Falë këtij mjeti, theksojnë nga Tinder, përdoruesit nuk do të jenë më nën stresin e zgjedhjes së fotove për profilin e tyre dhe do të marrin sugjerimet më të mira të mundshme për fotot që mund të përdorin.
Mundesh me e lexu edhe…
“Unë me të vërtetë mendoj se AI mund t’i ndihmojë përdoruesit tanë të krijojnë profile më të mira në një mënyrë edhe më efektive që do të tregojnë personalitetin e tyre në dritën e duhur, komentoi Bernard Kim,” CEO i Match Group, kompania që zotëron Tinder.
Në një bisedë me investitorët, Kim theksoi se planet e tyre në lidhje me inteligjencën artificiale janë shumë më të mëdha sesa thjesht përzgjedhja e fotove për një foto profili. Ndër të tjera, një nga planet e Tinder është të përdorë AI “për të treguar përmbajtjen e duhur njerëzve të duhur”, gjë që do të përmirësonte rezultatin e komunikimit.
Inteligjenca artificiale është bërë një mjet i domosdoshëm për pothuajse të gjitha kompanitë e teknologjisë, si dhe kompanitë e tjera, dhe muajin e kaluar drejtori ekzekutiv i Tinder për produktet, Mark Van Ryswyk, njoftoi se ata synojnë të përdorin mjete të bazuara në AI gjeneruese që do t’i ndihmojnë përdoruesit të shkruajnë CV-të e tyre.
Ky opsion është ende në fazat e hershme dhe është i disponueshëm vetëm për përdoruesit në tregje të caktuara dhe përdor sisteme të bazuara në AI që sugjerojnë tekst të personalizuar të përshtatur për interesat dhe dëshirat e vetë përdoruesve.
Sipas Ryswyk, në hulumtimin e kryer nga kompania, u tregua se rreth një e treta e përdoruesve të këtij rrjeti (nga 75 milionë përdorues aktivë) synojnë të përdorin AI gjeneruese në përpilimin e profileve.
Ndërsa ky opsion sigurisht që do të mirëpritet nga përdoruesit e Tinder, Crystal Cansdale i Inner Circle paralajmëron gjithashtu për rreziqet e mundshme që një teknologji e tillë mund të shkaktojë, veçanërisht kur bëhet fjalë për privatësinë dhe sigurinë. Ajo thotë se e gjithë industria ka frikë nga mënyrat në të cilat mashtruesit dhe spammerët mund të përdorin AI për të krijuar profile të rreme dhe për të mashtruar njerëzit në këtë shërbim./Katror.info
Përgatiti:
