Avdijaj flet për kohën e tij me kombëtaren shqiptare dhe për faktin se si fryma ekipore luan një rol si në fushë, ashtu edhe në biznes
Nga fusha e gjelbër e FC Red Star Cyrih, deri te zyrat e SMZH AG – në intervistë për Albinfo.ch, tregon se ka pas vetes një udhëtim të jashtëzakonshëm jetësor. Si një ish-futbollist dhe këshilltar aktual i klientëve, ai flet për karrierën e tij të larmishme. Zbuloni më shumë për fillimet e Albion Avidijajt në futboll, kohën e tij me kombëtaren shqiptare dhe për faktin se si fryma ekipore luan një rol si në fushë, ashtu edhe në biznes.
Ai tregon se si u futët në këtë profesion dhe cilat aspekte të karrierës suaj vlerësoni veçanërisht në lidhje me këtë punë.
Mundesh me e lexu edhe…
”Fillimisht kam rënë në kontakt me smzh ag përmes kryetarit të klubit tim të futbollit, Nesret Limani. Pasi ai më ngjalli interesin për kompaninë, hasa në një pozicion të shpallur si këshilltar klientësh, i cili më përshtatej plotësisht. Gjatë procesit të aplikimit kam mundur të zbuloj se smzh ag është shumë e përfshirë në fushën e sportit, gjë që sigurisht më ka tërhequr shumë. Përveç kësaj, unë kam qenë gjithmonë i interesuar për sektorin financiar, interesim përcaktues ky, që të pranoj me kënaqësi një punë si kjo. Për shkak se smzh është një kompani shumë dinamike, në zgjerim, unë mund të kontribuoj tek ajo me personalitetin dhe pikat e mia të forta dhe të rritem së bashku me kompaninë. Si këshilltar klientësh, më pëlqen ndërveprimi personal me klientët e mi, të cilët mund t’i ndihmoj që me këshillat e mia financiare profesionale t’ua bëj jetën pak më të lehtë. Gjithashtu më pëlqen shumë të punoj me bashkëpunëtorët e mi, sepse, ashtu si dhe në futboll, edhe këtu një rol qendror luan fryma ekipore që praktikohet çdo ditë brenda kompanisë. Përveç kësaj, marr të gjitha llojet e mbështetjes gjatë trajnimit tim si këshilltar financiar IAF, në mënyrë që kjo të jetë në përputhje me nevojat e mia profesionale, shkollore dhe private”, thotë Avdijaj.
Avdijaj tregon për hapat e parë në Futboll dhe rëndësinë e këtij klubi për zhvillimet në karrierën e tij mbresëlënëse në futboll, duke filluar që në fillimet e tij në FC Red Star Zurich.
”Si një djalë që rritet në Wiedikon (lagje e Cyrihut), rruga për në FC “Red Star” nuk është larg. Në moshën pesëvjeçare kam hedhur hapat e mi të parë në fushën e futbollit për pikërisht klubin e përmendur, i cili vuri themelet për suksesin tim të ardhshëm. Pas vetëm një viti, performanca ime e mirë më mundësoi të transferohem në Grasshoppers Club Cyrih. Sot kam ende lidhje të ngushta me këtë klub dhe jam mirënjohës për vlerat që më janë dhënë gjatë rrugës’, shton ai.
Ndërkaq, krenar që ka luajtur për Kombëtaren Shqiptare, Albioni thotë se nga aty kishte hasur në mundësitë e reja për zhvllimin tutje në këtë fushë.
”Meqenëse unë konsideroj dy vende si shtëpinë time dhe jo vetëm njërin, jam krenar që kam luajtur në të dyja kombëtaret. Unë kam qenë anëtar i rregullt i Kombëtares së Zvicrës deri në nivelin U-20. Megjithatë, me kalimin tim në VFL Wolfsburg II, Kombëtarja e Zvicrës nuk u paraqit më. Kur Federata Shqiptare e Futbollit m’u afrua dhe më pyeti nëse mund ta merrja me mend të bëja një lëvizje, desha të përfitoja nga kjo mundësi dhe vendosa për atdheun tim të dytë. Ky ishte një pasurim i madh për zhvillimin tim personal dhe sportiv dhe veçanërisht më ndihmoi në pozicionet e mia të mëtejshme në vende të ndryshme”, thotë ai.
Po ashtu, Albioni shprehet se prejardhja e tij nuk ka qenë fare pengës që të prioritizohet në fushën të cilën ai vazhdon të jetë aktiv.
”Unë e përjetoj Zvicrën si një vend me kombësi dhe kultura të ndryshme, i cili është shumë i hapur ndaj të resë. Siç thashë tashmë në pyetjen e mëparshme, ndihem si një njeri që i përkas jo vetëm një vendi. Kjo u reflektua në futboll në vendimin për Kombëtaren. Megjithatë, kjo nuk është më një problem në jetën time të biznesit. smzh ag punëson punonjës me prejardhje të gjerë kulturore, gjë që për mendimin tim ofron më shumë mundësi sesa pengesa”, përfundon Avdijaj. /Katror.info
Përgatiti:
