Kur instaloni shumë aplikacione në telefonin inteligjent Android, shpesh ndodh që pajisja të mbingarkohet dhe nëse aplikacionet e vjetra nuk përditësohen, ato bëhen problem sigurie.
Ndonjëherë ju duhet të ndani pak kohë për të rregulluar pajisjen tuaj dhe për të fshirë aplikacionet që nuk i përdorni.
Këtu janë disa kategori aplikacionesh që ndoshta “po mbledhin pluhur” në pajisjen tuaj dhe që duhet t’i fshini nga XDA.
Aplikacionet që janë të instaluara paraprakisht
Bloatware është emri për aplikacionet që prodhuesit e telefonave i instalojnë paraprakisht në pajisjet e tyre dhe në shumë raste ato janë paketa kryesisht softuerësh të panevojshëm. Nëse keni aplikacione të para-instaluara që nuk janë të dobishme për ju dhe nuk i përdorni, fshijini ato nga pajisja juaj. Në rast se hasni në një aplikacion që nuk mund ta fshini, të paktën çaktivizoni atë në mënyrë që të mos konsumojë burime në sfond.
Aplikacione të ndryshme për të njëjtën gjë
Përdoruesit e telefonit shpesh kanë më shumë se një aplikacion që përdoret për të njëjtat funksione – shfletues interneti, aplikacione për mesazhe, bllok shënimesh dhe më shumë. Në këtë rast, patjetër që duhet të heqësh qafe ato që janë më pak të dobishme se të tjerat.
Mjete të vjetra që tani janë pjesë e sistemit operativ
Android është një sistem operativ që po evoluon vazhdimisht. Më parë, ne kishim aplikacione të veçanta për skanimin e kodit QR, elektrik dore, regjistrimin e audios, riprodhimin e mediave ose reduktimin e dritës blu. Tani, këto dhe shumë veçori të tjera janë tashmë pjesë e sistemit operativ, kështu që nëse keni aplikacione që bëjnë atë që mund të bëjë sistemi juaj, fshijini ato.
Aplikacionet e produktivitetit që janë të vjetruara
Më së shumti, telefoni yt ka të instaluar disa aplikacione produktiviteti, të cilat mund t’i heqësh dhe të përdorësh në vend të tyre aplikacionet e Google. Nëse keni probleme me mbledhjen e të dhënave tuaja nga Google për qëllime marketingu, mund ta çaktivizoni gjithmonë këtë opsion.
Aplikacione për rritjen e performancës
Ky grup përfshin aplikacione për përshpejtimin dhe pastrimin e sistemit, kursimin e baterisë ose optimizimin e lojërave. Shumica e këtyre aplikacioneve janë të panevojshme dhe të pakuptimta dhe rekomandohet heqja e tyre nga pajisja.
Lojëra të vjetra që nuk i luani më
Pothuajse të gjithë ne kemi disa video lojëra klasike të njohura në telefonin tonë (të tilla si Plants vs. Zombies, Temple Run, Angry Birds ose të ngjashme). Por nëse nuk i luan më ato, nuk ka kuptim që ata të zënë hapësirë në pajisjen tuaj. Fshini ato dhe instaloni diçka të re. /Katror.info
Përgatiti:
