Sipas një studimi të ri nga Yale, të ndihesh i lumtur kur plakesh mund të ndryshojë një lloj të zakonshëm të humbjes së kujtesës, raporton Good News Network.
Personat e moshuar me dëmtim të butë njohës (MCI) kishin 30 për qind më shumë gjasa të rifitonin kujtesën normale nëse ishin optimistë kundrejt atyre që ishin të zhgënjyer për shkak të plakjes.
Për më tepër, një qasje e gëzuar ndaj viteve të argjendta i lejoi pjesëmarrësit të rikuperonin kujtesën e tyre deri në dy vjet më herët se të tjerët.
Mundesh me e lexu edhe…
Studimi i Shkollës së Shëndetit Publik në Yale është raportuar të jetë i pari i këtij lloji që lidh një faktor kulturor – një qëndrim pozitiv ndaj plakjes – me rimëkëmbjen e MCI (Mild Cognitive Imperment) – dëmtim i lehtë i kujtesës, transmton Katror.info.
Hulumtimi u bazua në 1,716 pjesëmarrës mbi moshën 65 vjeç.
Ata që e filluan studimin me kujtesë normale dhe një qëndrim të lumtur ndaj plakjes kishin më pak gjasa të zhvillonin MCI gjatë 12 viteve të ardhshme sesa ata në grupin e të menduarit negativ, pavarësisht nga shëndeti fizik ose mosha që iu bashkuan grupit.
Profesoresha Becca Levy, autore kryesore e studimit, thotë se shumica e njerëzve supozojnë se nuk ka shërim nga MCI, por në fakt gjysma e atyre që e kanë atë shërohen.
“Dihet pak se pse disa shërohen ndërsa të tjerët jo. Kjo është arsyeja pse ne shikuam besimet pozitive të moshës, për të parë nëse ato do të ndihmonin në dhënien e një përgjigjeje”, thotë Levy.
Gjithashtu, sipas profesoreshës, ndërhyrja e besimit në moshë ndikon në rikuperimin kognitiv.
“Hulumtimi ynë i mëparshëm ka treguar se besimet e moshës mund të modifikohen; prandaj, ndërhyrjet e besimit në moshën në nivele individuale dhe shoqërore mund të rrisin numrin e njerëzve që përjetojnë rikuperim kognitiv”, tha ajo në një deklaratë.
Hulumtimi i saj i publikuar këtë javë në JAMA Network Open u nxit nga zbulimi i saj i mëparshëm se njerëzit e moshuar që ndiheshin pozitivë për moshën e tyre përjetuan performancë të përmirësuar njohëse. /Katror.info
Përgatiti:
