Një autor i shpërblyer i librave për fëmijë po përpiqet të ndihmojë një shkollë të krijojë një bibliotekë dhe të frymëzojë nxënësit të dashurojnë leximin.
Krijuesi i Percy The Park Keeper, Nick Butterworth, 78 vjeç, ka shitur vepra arti në një ankand për të mbledhur para për projektin në Shkollën Fillore Lionwood Infant në Norwich, Norfolk, shkruan BBC.
Shkrimtari dhe ilustruesi kaloi një ditë duke folur me nxënësit për historitë dhe tha se fëmijët ishin “entuziast për librat”.
Mundesh me e lexu edhe…
“Ky është një projekt për të krijuar një bibliotekë për shkollën, për ata janë kaq entuziast për librat, por janë kohë të vështira,” tha ai.
Shkolla fillore po përpiqet të mbledhë rreth 5,000 £ për të krijuar një bibliotekë në shkollë.
Gjatë vizitës së tij, Zoti Butterworth tha se ishte “shumë i lumtur” që mund të mbështeste ata në përpjekjet e tyre për mbledhjen e fondeve.
“Fëmijët sot ishin fantastikë, e dua reagimin e tyre, ishte thjeshtë e mrekullueshme të isha me ta.”
Ai tha se e donte të shihte se sa entuziastë ishin fëmijët me librat dhe ishte “i gëzuar” që zbuloi se i kishte frymëzuar ata të fillonin të lexonin.
Skye, pesë vjeçe, thotë se i pëlqen të lexojë me prindërit e saj dhe e shijoi vizitën e Z. Butterworth.
“Ai lexoi Percy The Park Keeper – ai lexoi librin tim të preferuar,” tha ajo.
Ajo shpreson të shohë shumë libra të rinj kur shkolla të mbledhë mjaft fonde për një bibliotekë të re.
Zoti Butterworth nënshkroi libra gjatë një eventi mbledhjeje fondesh në mbrëmje dhe shiti disa nga veprat e tij origjinale në ankand.
Drejtoresha e shkollës, Sam Thorpe, tha se shpreson që fëmijët të zhvillojnë një kulturë leximi në shkollë dhe që të kishte një autor të famshëm si ai aty ishte një “mundësi e mrekullueshme”.
“Ka diçka frymëzuese që të kesh një autor të cilët historitë e tij janë të njohura, përpara tyre,” tha ajo. /Katror.info
Përgatiti:
