Organi ekzekutiv i Bashkimit Evropian ka miratuar projekte kërkimore gjysmëpërçuese me 8 miliardë euro fonde publike si pjesë e një nisme për të rritur zinxhirin e furnizimit të çipave në Union.
Projektet mbështeten nga gjithsej 13.7 miliardë euro fonde private, që arrijnë në rreth 22 miliardë euro, njoftoi të enjten Komisioni Evropian. Gjithsej 68 projekte me interes të përbashkët evropian, të njohur si IPCEI, u miratuan dhe u propozuan nga 56 kompani nga 19 vende, përfshirë Norvegjinë.
“Evropa po merr fatin e saj në duart e veta,” shkroi Komisioneri i Tregut të Brendshëm Thierry Breton në një blog. “Duke zotëruar gjysmëpërçuesit më të avancuar, BE do të bëhet një gjigant industrial në tregjet e së ardhmes”, shkruan Katror.info.
Mundesh me e lexu edhe…
Komisioni propozoi Ligjin për Çipat e Bashkimit Evropian në fillim të vitit 2022, duke vendosur një objektiv ambicioz për të prodhuar 20% të gjysmëpërçuesve në botë deri në vitin 2030. Këto projekte IPCEI përbëjnë një komponent të atij plani, i cili gjithashtu hap derën për qeveritë për të siguruar fonde për fabrikat e prodhimit.
Deri më tani, kompani të tilla si Intel Corp, Infineon Technologies AG, STMicroelectronics NV, GlobalFoundries Inc dhe Wolfspeed Inc kanë paralajmëruar investime të reja. Gjithashtu, Taiwan Semiconductor Manufacturing Co. (TSMC) po shqyrton ndërtimin e një vendiprodhimi në Gjermani.
TSMC është në negociata që subvencionet e tyre të mbulojnë deri në gjysmën e kostos së fabrikës në Gjermani.
Megjithatë, disa kompani po kritikojnë kornizën kohore që u desh për miratimin e projekteve IPCEI.
Ministri gjerman i Ekonomisë Robert Habeck vlerësoi vendimin, duke theksuar se Gjermania ka 31 projekte në 11 rajone. “Në këtë mënyrë, ne mund të rrisim qëndrueshmërinë në të gjithë Evropën në këtë fushë të rëndësishme dhe të sigurojmë krijimin e vlerës dhe vendeve të punës”, tha ai në një deklaratë për shtyp. /Katror.info
Përgatiti:
