Prizreni u bë qendra e sportit të rinjve me triumfin e skuadrës Bero Kingdom në edicionin e parë të turneut Alley Oop, që u mbajt në Kosovë, shkruan Katror.info.
Finalja e madhe u zhvillua në Prishtinë, ku morën pjesë gjashtë finalistë nga gjashtë qytete të ndryshme: Prishtina, Bero Kingdom nga Prizreni, 02 nga Mitrovica, Art Design nga Theranda, 03 nga Peja dhe El Quadro nga Gjakova.
Pas ndeshjeve eliminatore në grupe dhe gjysmëfinaleve të ngarkuara emocione, skuadrat u përballën në një finale të zjarrtë mes Bero Kingdom dhe 03 nga Peja, ku prizrenasit dolën fitues. Çmimi prej 1000 euro iu dha skuadrës fituese nga Granit Rugova, Drejtor i Programeve dhe Projekteve Zhvillimore në FBK.
Mundesh me e lexu edhe…
Ky event, i zhvilluar në partneritet me FIBA Evropën, kishte si synim masivizimin e basketbollit 3×3 në të gjithë Kosovën. Ky ishte vetëm fillimi, ndërsa për edicionin e ardhshëm pritet një masivitet më i madh dhe një organizim në shumë qytete të vendit./Katror.info
