Botuesit kryesorë, bibliotekat dhe një organizatë shkrimtarësh në SHBA janë bashkuar për të paditur shtetin e Idaho-s për një ndalim librash që përcakton se cilat libra mund të lexojnë të miturit.
Të rinjtë nën 18 vjeç ndalohen nga qasja në përmbajtje “dëmprurëse” dhe “materiale të pasakta” në shkolla dhe biblioteka sipas ligjit HB710, i cili hyri në fuqi korrikun e kaluar, shkruan Positive News, përcjell Katror.info.
Ndalimi përfshin libra me “sjellje seksuale” dhe lakuriqësi, duke bërë që klasikat moderne si The Handmaid’s Tale nga Margaret Atwood dhe më të shiturit si Game of Thrones nga George RR Martin të zhduken plotësisht nga raftet ose të zhvendosen në sektorët e dedikuar vetëm për të rritur.
Mundesh me e lexu edhe…
Botuesit kryesorë – Penguin Random House, Hachette Book Group, HarperCollins, Macmillan Publishers dhe Simon & Schuster, ngritën një padi të martën kundër këtij ndalimi.
Prindërit, studentët, shkrimtarët dhe një mësues janë bashkuar me këtë fushatë, së bashku me Guild-in e Shkrimtarëve (AG) dhe Distriktin e Bibliotekës Publike Donnelly të Idaho-s.
CEO i AG-së, Mary Rasenberger, kritikoi ndalimin për “targetimin eksplicit” të përmbajtjes LGBTQ+.
“Ky ligj jo vetëm që e ngushton lirinë e fjalës por e ngrin atë fort,” tha ajo.
“Ne nuk do të qëndrojmë duarkryq ndërsa Idaho praktikisht kriminalizon veprat e rëndësishme të letërsisë dhe zvogëlon të drejtat themelore të të rinjve për të lexuar dhe mësuar”, përfundoi ajo./Katror.info
Përgatiti:
