Qyteti holandez i Breda-s ka fituar një status të veçantë: është shpallur qyteti i parë National Park City në BE, duke iu bashkuar Londrës, Adelaide-s dhe Chattanooga-s në këtë nismë globale që synon të kthejë qytetet në vende ku njerëzit dhe natyra bashkëjetojnë.
Ky titull nuk kërkon male apo pyje të mëdha, por përkushtim qytetar ndaj hapësirave të gjelbra, biodiversitetit dhe jetesës së qëndrueshme. Breda ka punuar mbi një dekadë për ta arritur këtë: ka rikthyer lumenjtë, zëvendësuar betonin me bimësi dhe përfshirë banorët në mirëmbajtjen e lagjeve, kopshteve dhe shkollave.
Sot, 60% e sipërfaqes së Breda-s është e gjelbër – nga pylli historik Mastbos deri te rezervat natyrore, kopshtet urbane dhe hapësirat buzë kanaleve. Kjo i ndihmon qytetit jo vetëm për estetikë, por edhe për menaxhimin natyror të përmbytjeve dhe valëve të të nxehtit, transmeton Katror.info
Mundesh me e lexu edhe…
Ky sukses nuk u arrit nga vendime nga lart, por nga vetë banorët dhe rrjeti Breda Stad in een Park, që me kopshte në tarraca, hapësira të gjelbra shkollash dhe lagjesh, kanë krijuar një kulturë ku natyra është pjesë e përditshmërisë.
“Ky titull është një njohje për të gjithë banorët dhe organizatat që po kontribuojnë për të gjelbëruar Breda-n,” tha Joost Barendrecht, drejtues i rrjetit qytetar, shkruan The Optimist Daily.
Shembulli i Breda-s po frymëzon edhe qytete të tjera evropiane që po e kuptojnë rëndësinë e hapësirave të gjelbra për shëndetin, klimën dhe cilësinë e jetës urbane.
“Breda dhe Londra po tregojnë rrugën për qytete më të gjelbra, më të shëndetshme e më të drejta,” tha Daniel Raven-Ellison, themelues i National Park City Foundation. /Katror.info
Përgatiti:
