Revista France Football nderoi sulmuesin senegalez të Bayern Munichut, Sadio Mane, me çmimin Socrates për punën e tij bamirëse në vendin e tij.
“Çmimi Socrates identifikon iniciativën më të mirë sociale nga kampionë të përkushtuar”, thuhet në një deklaratë nga revista France Football.
Revista e përjavshme franceze sportive ka shtuar këtë çmim për bamirësi në ceremoninë ikonë globale të Topit të Artë 2022.
Mundesh me e lexu edhe…
30-vjeçari Mane është i pari që fiton çmimin e emëruar pas futbollistit të ndjerë Socrates, i cili bashkëthemeloi lëvizjen e Demokracisë Corinthians, për të kundështuar regjimin ushtarak, i cili ishte në pushtet në Brazil në vitet e 80-ta të shekullit të kaluar.
- Advertisement -
Mane, i cili aktualisht është përzgjedhur edhe si futbollisti më i mirë i Afrikës vitin e kaluar, u nderua për për ndërtimin e një spitali publik dhe financimin e shkollave dhe familjeve gjatë viteve të fundit në fshatin e tij të lindjes Bambali në vitet e fundit, e ai gjithashtu i dha një donacion Komitetit Kombëtar të Senegalit, për të ndihmuar përpjekjet në luftë kundër pandemisë COVID-19.
Sadio Mané, the very first Socrates Award winner!
📸 Christophe Berlet#ballondor pic.twitter.com/2c8j03gHmd— Ballon d'Or #ballondor (@francefootball) October 22, 2022- Advertisement -
“Jam shumë i lumtur që jam mysafir sonte,” tha Mane.
“Ndonjëherë jam pak i turpshëm, por jam vërtet i lumtur që bëj atë që mund të bëj për njerëzit e mi për t’i përmirësuar gjërat.”
Ai mori porosi të shumta urimi edhe nga adhuruesit dhe personalitete të profilit të lartë, përfshirë këtu edhe udhëheqësin e Senegalit, Macky Sall.
“Më i miri në fushë dhe humanist në zemër, Sadio Mane e meriton këtë çmim të bukur të trofeut #Socrates për investimin e tij personal në dobi të komunitetit! #BalloDor”, shkroi Sall në një postim në Twitter.
Çfarë është çmimi Socrates?
Është një çmim modern që nderon futbollistët që angazhohen për përfshirje, mbrojtjen e klimës dhe që angazhohen për njerëzit e lënë anash ose të kërcënuar nga konflikti.
Çmimi, i cili i cili u nda për herë të parë këtë vit, u krijua për të njohur dhe nderuar arritjet jashtë fushës të futbollistëve dhe mori emrin e futbollistit brazilian Socrates, i cili ishte i njohur për punën e tij humanitare gjatë kohës sa ishte futbollist aktiv dhe i cili vdiq në vitin 2011.
- Advertisement -
Sokrates ishte gjithashtu edhe aktivist politik, i cili u angazhua për ndryshime shoqërore në vitet e 80-ta të shekullit të kaluar. Ai gjithashtu bashkëthemeloi Lëvizjen Demokratike Corinthians për të kundërshtuar qeverinë ushtarake në Brazil, duke u bërë thirrje masave dhe lojtarëve të rebelohen kundër diktaturës ushtarake në vendin e tij në atë kohë.
Çfarë bëri Mane që e meritoi çmimin Socrates?
30-vjeçari, lojtari aktual i Bayern Munichut u rrit në Bambali, një fshat i vogël senegalez në jug të vendit dhe gjatë viteve të fundit është angazhuar në vazhdimësi për të ndihmuar banorët e fshatit.
Ai ndërtoi një spital në vlerë 455,000 £ (513,000 dollarë amerikanë) në fshat dhe gjithashtu dhuroi para për një shkollë të mesme, si dhe siguroi laptopë dhe shpërndau para falas për studentët e shquar në shkollën e mesme në Bambali.
Sadio Mane gjithashtu la mënjanë para për të ndërtuar një pikë karburanti dhe një zyrë postare, ndërsa dhuroi 41,000 £ për Komitetin Kombëtar Senegalez kur shpërtheu pandemia COVID-19 në vitin 2020.
- Advertisement -
Me Liverpool-in, Mane fitoi Ligën e Kampionëve 2018-2019, Premier Ligën angleze 2019-2020, FA Cup, EFL Cup, Superkupën e Evropës dhe Kupën e Botës për Klube, ndërsa gjithashtu ngriti Kupën e Kombeve Afrikane me Senegalin në vitin 2022, dhe i ndihmoi vendin e tij që të kualifikohet për Kampionatin Botëror në Futboll, i cili do të zhvillohet në Katar, duke filluar nga data 20 nëntor.
Vlen të përmendet se Mane doli i dyti në garën për Topin e Artë, pas yllit francez Karim Benzema, ndërsa Kevin De Bruyne, Robert Lewandowski dhe Mohamed Salah plotësuan top pesëshen e listës./Katror.info
Përgatiti:
