Sado e padëshme të mund të doket ndonjë njollë myku, ushqimi i tillë mund të shkaktojë një sërë problemesh, nga dispepsi deri te dëmtimi i veshkave apo edhe kanceri (në situatat më ekstreme).
Por, jo çdo lloj ushqimi që e shihni të mykur mund ta humbisni. Cilat ushqime mund t’i ruani e cilat mund t’i humbisni? Këtë e tregon Don Schaffner, kryetar i departamentit të shkencës ushqimore në Universitetin Rutgers për National Geographic.
Në ushqimet e dendura e të forta si djathi i fortë apo karrotat, ku mund t’i shihni qartë kolonat e mykut, ai do të thotë se është i sigurt ta hiqni pjesën e mykur plus një cenimetër shtesë.
Megjithatë, në ushqimet me lagështi, djathë i butë, kos, reçel, turshi, humus – shtrirja e rritjes së mykut duket shumë pak dhe është e vështirë për t’u hequr në mënyrë të sigurt. Në të tilla raste, në mund ta shohim atë shtresë të pështirë sipër, por ekzsiton edhe një pjesë poshtë. Këto janë ato lloje ushqimesh që duhet t’i hedhni në koshin e plehrave menjëherë.
E njëjta gjë vlen edhe për mishin, peshkun e mykur dhe bukën. Ani pse këtë të fundit shpesh tundohemi ta heqim pjesën e sipër të mykur, por ndodh që sporet e mykut të kenë depërtuar në hapësirat e bukës, marrë parasysh strukturën e saj.
E ndërsa për frutat e prishura si manaferrat, mund ta bëjmë hedhjen e atyre kokrrave që janë të mykura, por jo nëse myku e ka kapluar shumicën e tyre.
Çfarë duhet të hani nëse aksidentalisht hani ushqim me myk?
Nëse keni ngrënë një sasi të vogël, nuk ka vend për panik. Megjithatë, ekspertët sugjerojnë monitorimin e simptomave si nauze, diarre dhe gulçim, në raste të tilla të kërkoni ndihmë mjekësore nëse nuk ndiheni mirë. /Katror.info