Fjetja më pak se pesë orë mes moshës 50 dhe 70-vjeç rrit rrezikun e zhvillimit të të paktën dy sëmundjeve kronike, zbulon një studim i ri nga shkencëtarët e Kolegjit Universitar në Londër.
Paralajmërimi serioz vjen pas publikimit të konkluzioneve të hulumtimit, i cili u krye për 25 vjet.
Gjatë një eksperimenti afatgjatë, shkencëtarët studiuan lidhjen midis orëve të gjumit dhe sëmundjeve kronike të diagnostikuara, dhe përfundimisht vdekshmërinë e secilit prej subjekteve.
Ata subjekte që raportuan se flinin për pesë orë ose më pak kishin një shans 20% më të lartë për të vuajtur nga sëmundje kronike. Në të njëjtën kohë, ata kishin një shans edhe të lartë prej 40% që do të diagnostikoheshin me të njëjtën gjë në 25 vitet e ardhshme. Ky grup u krahasua me njerëzit që flinin deri në shtatë orë gjatë natës, gjë që përmirësonte shëndetin e tyre.
Shqetësues është edhe fakti që shkencëtarët kanë arritur në përfundimin se mungesa e gjumit në moshën 50-vjeçare rrit rrezikun e vdekshmërisë gjatë 25 vjetëve të ardhshme.
Shtatë deri në tetë orë gjumë në natë është optimale
Me kalimin e viteve, njerëzit ndryshojnë zakonet e tyre të gjumit. Megjithatë, shkencëtarët rekomandojnë që çdo person të përpiqet të flejë shtatë deri në tetë orë gjumë çdo natë në mënyrë që të parandalojë zhvillimin e sëmundjeve kronike.
Profesorët e Universitetit të Londrës theksojnë se kohëzgjatja e shkurtër e gjumit ndikon në zhvillimin e multimorbiditetit, pra të dy ose më shumë sëmundjeve kronike.
Këshilla për gjumë më cilësor
Nëse këto paralajmërime ju kanë inkurajuar që t’i kushtoni më shumë vëmendje sigurimit të cilësisë së gjumit, këtu janë disa këshilla të dobishme nga shkencëtarët anglezë.
Çelësi është të sigurohet “higjienë e mirë e gjumit”. Kjo do të thotë që dhoma ku flini duhet të jetë e qetë dhe e errët dhe temperatura e rehatshme. Është jashtëzakonisht e rëndësishme të hiqni pajisjet elektronike si celularët, tabletët dhe laptopët nga zona ku flini për shkak të rrezatimit.
Përpara se të flini, përpiquni të shmangni shikimin në ekran dhe përdorimin e pajisjeve që zgjojnë trurin dhe lodhin sytë. Aktiviteti fizik gjatë ditës përmirëson më tej gjumin cilësor./Katror.info
Përgatiti:
