Ministria e Kulturës, Rinisë dhe Sportit (MKRS) ka bërë të ditur se tashmë edhe të rinjtë në Kosovë mund të përfitojnë nga Karta Rinore Evropiane, një nismë që u ofron atyre zbritje dhe mundësi të shumta brenda dhe jashtë vendit.
Karta është krejtësisht falas për të gjithë të rinjtë e moshës 15 deri në 29 vjeç, dhe ofron mbi 80,000 zbritje në 36 shtete të Evropës, përfshirë edhe shumë biznese në Kosovë që janë tashmë partnerë zyrtarë të këtij rrjeti.
“Udhëtime, ushqim, evente muzikore, kinema, joga, aktivitete kreative …gjithçka me çmim më të mirë – një përfitim i vogël që bën dallim të madh në përditshmërinë tënde”, thuhet në njoftim.
Mundesh me e lexu edhe…
Kjo iniciativë mbështetet nga MKRS, ndërsa zbatohet nga konsorciumi i organizatave BONEVET, në bashkëpunim me Kosova Makers League dhe KosovaIdeas.
Për më shumë informacione rreth mënyrës se si funksionon kjo kartë dhe si mund të pajisesh me të për disa minuta, mund të ndjekni videon informuese të shpërndarë nga MKRS.
Me këtë kartë, të rinjtë kosovarë bëhen pjesë e një rrjeti prej 9 milionë të rinjsh evropianë. /Katror.info
Përgatiti:
