Në këtë edicion të Newsletter të lajmeve të mira, kemi përzgjedhur disa lajme që tregojnë se me pak vullnet, punë e përkushtim, Kosova mund të bëhet vend i mirë për të jetuar e punuar.
Një shembull të tillë na sjell Hamdi Malushaj, një afarist dhe lider i cili ka kaluar një kohë të gjatë në mërgim dhe që tani fton diasporën të kthehet dhe të investojë në zhvillimin e Kosovës.
“Një punë që mundesh me e bo me laps në vendin tënd, atje është lopata laps. Këtu është lapsi, këtu je ti, ai që mundesh me bë punë të rëndësishme për vendin tënd”, thotë Malushaj. Artikullin e plotë të Aktivizmit Qytetar sikurse edhe videon mund t’i gjeni këtu.
Kosova nuk është vetëm vendlindja jonë, por edhe vendi ku munemi me kriju’, me ndërtu dhe me sjell ndryshimin për të cilin flasim çdo ditë.
Kalojmë te një lajm tjetë i mirë i kësaj jave. Muzika ka fuqinë të na bashkojë, të na frymëzojë dhe të krijojë histori. E pikërisht këtë po bën edhe Orkestra e Fëmijëve “Amadeus” nga Prishtina!
Qeveria e Kosovës ka shpallur financimin e pjesëmarrjes së tyre në World Orchestra Festival 2025 në Vjenë. Kjo do të thotë se talentet e rinj të Kosovës do të performojnë në një nga skenat më të mëdha të muzikës klasike. Lajmi i plotë këtu.
Një lajm fantastik që dëshmon se arti dhe kultura jonë mund të shkëlqejnë ndërkombëtarisht!
Duke qëndruar te kultura dhe arti, një tjetër iniciativë e bukur u përurua këtë javë në Prishtinë – “721 fshatra”, një dyqan që promovon punën artizanale të grave nga zonat rurale, komunitetet minoritare dhe nënat vetushqyese. Kjo nismë e OJQ-së “Lady” fuqizon gratë dhe ruan trashëgiminë tonë kulturore. Artikulli i plotë këtu.
‘721 fshatra’ – aty ku duart e grave thurin traditën në të ardhmen.
Nëse po kërkoni diçka pozitive nga shëndetësia – e gjeni n’kutinë ton’! Qendra e Mjekësisë Familjare në “Kodrën e Trimave” sapo ka përfituar pajisje të reja dhe një hapësirë të renovuar, duke sjellë shërbime më të mira për pacientët. Lajmi i plotë këtu.
Investime të reja në kujdesin shëndetësor – për një shnet’ ma të mirë për krejt!
Por s’ka lajme të mira pa ndonjë përpjekje të kujdesshme për krijesat që na rrethojnë.
Në Prizren, është vendosur guri i themelit për strehimoren e parë për qen endacakë, një projekt që reflekton vlerat e dashurisë dhe përgjegjësisë ndaj kafshëve. Më shumë siguri dhe më shumë kujdes për qentë – dhe një hap përpara drejt një komuniteti më të përkushtuar në kujdesin dhe mbrojtjen e kafshëve! Lajmi i plotë këtu.
Dhe për fund, një histori që do t’ua ngrohë zemrën.
Fron Zherka, një nxënës i klasës së tretë në Prishtinë na ka dhënë një mësim të jashtëzakonshëm mbi empatinë dhe dashamirësinë. 
Me fitimet nga libri i tij me poezi “Zëri i Shkronjave”, ai vendosi të ndihmojë Asociacionin Nacional për Autizëm në Kosovë, i frymëzuar nga miqësia e tij me një shok klase me autizëm.
“Unë i ndihmoj atij shumë, por ai më ka mësuar mua se si të jem human”, tha Froni.
Ky është ai çasti kur e kupton që mirësia s’ka cak – dhe se edhe hapat më të vegjël mund të sjellin ndryshime të mëdha. Kur zemrat e vogla bëjnë gjëra të mëdha, bota bëhet një vend më i ndritur! Artikulli dhe videoja e këtij #aktivizmiqytetar këtu.
Miq të dashur me këtë storie inspiruese, po e mbyll këtë edicioni të #Newsletter të #katrormedia – shpisë tonë e tuajën për informim të drejtë, gazetarisë konstruktive dhe lajmeve të mira 🙂
Deri në edicionin e radhës, peace and love nga unë dhe redaksia e Katrorit.
Përgatiti:
