Cristiano Ronaldo kryeson listën e “Sportico”-s me sportistët më të paguar të vitit 2024 për të dytin vit radhazi. Atleti portugez, i cili së fundmi ka mbushur 40 vjeç, zë kryesimin e kësaj renditjeje të veçantë falë 260 milionë dollarëve të fituar mes marrëveshjes me Al Nassr-in (215 milionë dollarë) dhe sponsorëve jashtë fushës (për rreth 45 milionë të tjera).
Atletët nga tetë sporte dhe 27 vende të ndryshme u renditën në 100-shen më të mirë.
Në përgjithësi, 100 atletët më të paguar fituan rreth 6.2 miliardë dollarë, 14 për qind më shumë nga renditja e vitit 2023 Dhe përsëri, janë të gjithë burra. Për të dytin vit radhazi, asnjë grua nuk u rendit në “top 100”.
Mundesh me e lexu edhe…
Pragu minimal i të ardhurave për të hyrë në listë ishte 37.5 milionë dollarë. Coco Gauff ishte atletja femër më e paguar në vitin 2024, duke fituar 30.4 milionë dollarë, sipas “Sportico”-s.
Pothuajse të gjithë atletët varen kryesisht nga pagat e tyre për shumicën e fitimeve. Brian Burns (43.9 milionë dollarë), Jacob deGrom (40.3 milionë dollarë) dhe Anthony Rendon (38.3 milionë dollarë) janë ndër shembujt më ekstremë, me më shumë se 99 për qind të të ardhurave të tyre që vijnë nga pagat.
Duke parë renditjen, me Ronaldo-n në vendin e parë, pozitën e dytë e zë basketbollisti Stephen Curry (Golden State Warriors), me 153.8 milionë dollarë.
Podiumi plotësohet nga boksieri Tyson Fury, i cili fitoi gjithsej 147 milionë dollarë në total. “Top 5” mbyllet me Lionel Messi-n (Inter Miami, 135 milionë dollarë) dhe një tjetër lojtar të NBA, LeBron James, me 133.2 milionë dollarë.
Mes futbollistëve, i pari mes atyre që luajnë në Evropë (dhe i vetmi në “top 10”) është francezi Kylian Mbappe.
Në përgjithësi, 11 nga 100 sportistë vijnë nga bota e futbollit./Katror.info
Përgatiti:
