Hani i Elezit u kthye në një qendër të gjallë kulturore dhe natyrore.
Një ngjarje që bashkoi të rinjtë dhe komunitetin në një ditë të mbushur me ecje, punëtori kreative, shfaqje teatrore dhe performanca artistike.
Aktiviteti i ditës të dytë, filloi në orët e mëngjesit të shtunën me ecjen simbolike të quajtur “Hiking i Kujtesës”, e udhëhequr nga guidat Bedri Bushi dhe Agron Qajani.
Mundesh me e lexu edhe…
Pjesëmarrësit mbi moshën 16 vjeç, grupe profesioniste ALPINE nga Shqipëria Maqedonia e Veriut e dashamirës të ecjës u mblodhën në parkingun pranë Qendrës së Kulturës, për të ndjekur itinerarin natyror Reka e Laçit – Parku i Myshqeve – Kodra e Fazlisë – Gorancë – Pishat e fshatit Goranc.
Programi kulturor vazhdoi me shfaqjen teatrore për të rinj “Insolits – The Eccentrics” nga Spanja, që u mbajt në skenën kryesore.
Aktivitetet edukative dhe kreative morën formë përmes punëtorive të ndryshme: “Duart Flasin” me Meli Qenën për fëmijët 7–11 vjeç, cka sot sjell një shfaqje të punuar këto ditë.
“Unë, Këtu, Tani” nga Brianda Carreras për adoleshentët, si dhe “Green Path Workshop” dhe “Zbulo Veten, Vlerëso Vendin Tënd!” të udhëhequra nga ekspertë vendas për moshat 12–18 vjeç.
Mbrëmja ishte e rezervuar për artin vizual dhe muzikor: u hap ekspozita “EX 99” në oborrin e SharrCemit, pasuar nga instalacioni i dritës “Tingujt e Horizontit” nga Florian Çanga dhe pianistit Alzan Gashi, për të kulmuar me koncertin muzikor të Edona Reshitajt në skenën kryesore.
Ky aktivitet solli një ndërthurje të shkëlqyer të natyrës, kujtesës kolektive dhe kulturës bashkëkohore, duke forcuar lidhjen mes komunitetit dhe vlerave artistike e mjedisore.
Sonte mbyllet edicioni i parë i këtij festivalit ndërkombëtar kulturor
Dita e fundit e CrossRoadsFest 2025 sjell reflektim dhe krijimtari, duke nisur me tryezën shkencore “Udhëkryq i Kujtesës”.
Paralelisht, zhvillohen aktivitete edukative dhe kreative për fëmijë dhe të rinj, të përshtatura për të gjithë ata që duan të mësojnë përmes artit.
Në mbrëmje, Ilire Zajmi do të udhëheqë një mbrëmje poetike, ndërsa instalacionet e Florian Çangës do të ndriçojnë natën për të fundit herë këtë vit. Festivali mbyllet me një koncert nga Nezafete Shala & Melodia e Vjetër, që do të sjellë tinguj të dashur tradicionalë në një atmosferë të paharrueshme.
Katror Media është partner medial i këtij festivali të parë kulturor në Han të Elezit – afër artit, afër kulturës, afër njerëzve tanë krijues!
