Përballja me të ftohtin dhe kalimi i disa orëve duke rregulluar hapësirën dhe pastruar veglat mund të të ndihmojë të përqendrohesh më mirë në planet tua për këtë vit.
Claire Ratinon, ajo thotë se nuk është e vetmja që ndien mungesë vullneti për të dalë në kopsht gjatë kësaj periudhe. Mesazhet e Vitit të Ri shpesh na shtyjnë të marrim vendime për t’u bërë kopshtarë më të mirë, por realiteti i dimrit të zymtë nuk është gjithmonë frymëzues për rezoluta të tilla.
Megjithatë, ajo beson se edhe gjatë këtyre ditëve të shkurtra dhe të ftohta, ekziston një dritë shprese: koha e kaluar jashtë mund të jetë ilaçi i përsosur për shpirtin.
Mundesh me e lexu edhe…
Ja disa nga punët që Claire Ratinon do të bëjë në kopësht gjatë javëve në vazhdim për të rifituar fokusin dhe për t’u përgatitur për stinët e ardhshme.
Ajo nuk është një kujdestare shumë e rregullt e kopshtit gjatë verës, por tani që shumë gjëra janë tharë, i kushton më shumë vëmendje pastrimit. Me një qasje të kujdesshme, ajo mbledh gjethet dhe i përdor për të mbuluar shtratin e bimëve të përhershme ose i grumbullon për të krijuar pleh gjetheror. Degët që pret janë vetëm ato që janë të zbrazëta dhe nuk mund të strehojnë insekte gjatë dimrit, për të shmangur dëmtimin e ekosistemit të vogël që ajo kujdeset.
Nuk është mirë të shqetësosh grumbujt e plehrave kur është ftohtë, pasi mund të humbasin nxehtësinë dhe të ngadalësojnë çfarëdo dekompozimi që ka nisur. Megjithatë, nuk i lë plotësisht pa vëmendje, dhe sigurohem që t’i mbuloj për të parandaluar që të mbingarkohen me shi dhe të mbrohen nga kafshët që kërkojnë mbeturina, shkruan Claire Ratinon.
Sipas saj, një tjetër detyrë e thjeshtë, por shumë e kënaqshme, është kujdesi për veglat e kopshtarisë. Edhe pse idealisht ky duhet të jetë një proces vazhdues, ajo pranon se shpesh i lë pas dore gjatë sezonit të rritjes. Për këtë arsye, e konsideron këtë periudhë si të përshtatshme për t’u kujdesur për to.
Ajo i pastron veglat me kujdes, i fërkon mirë dhe i lë të thahen plotësisht për të shmangur dëmtimin. Më pas, i trajton me vaj kamelie për t’i mbrojtur nga oksidimi dhe për të siguruar që të jenë gati për përdorim në sezonin e ardhshëm.
Nëse nuk dëshiron të dalësh jashtë gjatë këtyre ditëve të shkurtra dimri, ajo mendon se ky është momenti i përsosur për të përgatitur një filxhan çaj, për të shijuar një ëmbëlsirë dhe për të rishikuar katalogët e farave, duke planifikuar me kujdes për vitin 2025. /Katror.info
Përgatiti:
