Dogen City, një qytet lundrues japonez, është një koncept nga kompania N-Arc që shërben si një shembull i qyteteve plotësisht të vetë-qëndrueshme, të zgjuara të së ardhmes që mund të ndihmojnë njerëzit në rast fatkeqësish natyrore.
10,000 njerëz do të jetonin në një qytet me një diametër prej katër kilometrash dhe qyteti mund të pres deri në 30,000 vizitorë. Forma rrethore e qytetit nuk është e rastësishme – ai është projektuar për t’i bërë ballë kushteve të këqija të motit, duke përfshirë cunamin.

Qyteti i zgjuar është krijuar për t’u ofruar banorëve të tij kujdes të avancuar shëndetësor, i cili përfshin telemjekësinë, si dhe analiza të avancuara të gjenomit dhe gjakut të qytetarëve. Panelet diellore, turbinat e erës, tubat e ujit që pastrojnë dhe riciklojnë ujërat e zeza janë disa nga risitë që do të sigurojnë që qyteti të jetë plotësisht i vetëqëndrueshëm, shkruan Katror.info.
Në unazën e banimit të Dogenit do të kishte shtëpi, si dhe parqe, hapësira të gjelbra, fabrika të prodhimit të ushqimit, shkolla, fusha sportive, spitale, stadiume, hotele dhe zyra. Një rrjet automjetesh elektrike autonome do të reduktonte bllokimin e rrugëve si dhe ndotjen e mjedisit. Falë modelit të tij modular, Dogen mund të rritet, së bashku me popullsinë e tij.
Ende nuk dihet se ku do të vendoset Dogen, por në rast se koncepti fillon të bëhet realitet, këtë do ta zbulojmë së shpejti./Katror.info