Këngëtarja e famshme botërore me prejardhje nga Kosova, Dua Lipa, tashmë e ka dëshmuar të jetë ikona muzikore që i hap festivalet muzikore. Por, në vitin 2023 ajo do të provojë edhe diçka tjetër të re- do të udhëheqë një festival letrar.
Dua ka paralajmëruar praninë në një nga ngjarjet më të mëdha letrare të Mbretërisë së Bashkuar, Festivalin Hay-On-Wye, i cili do të zhvillohet në fund të majit në Hay-On-Wye, një qytet i Uellsit i njohur si “qyteti i librave” për shkak të librarive të shumta.
Që nga themelimi i tij në vitin 1988, shumë nga autorët më të mëdhenj të botës janë shfaqur në festival. Në vitin 2001, ish-presidenti Bill Clinton e përshkroi atë si “Woodstock- u i mendjes”.
Mundesh me e lexu edhe…
Por, duke qenë se Dua nuk është autore – ende, gjithsesi – çfarë do të bëjë ajo saktësisht në festival? Ajo do ta incizojë direkt podkastin e saj “At Your Service, gjatë të cilit ajo me sa duket do të bisedojë me disa nga autorët e famshëm që do të marrin pjesë në festival, duke përfshirë Margaret Atwood, e cila shkroi “The Handmaid’s Tale”.
Në një deklaratë të postuar në rrjetet sociale, Dua thotë: “Kam dashur të eksploroj libraritë e Hay dhe të përjetoj atmosferën letrare të Festivalit Hay për një kohë kaq të gjatë”.
“Jam e emocionuar që do të jem atje vitin e ardhshëm për të ndarë storie në skenë dhe jashtë saj me disa nga autorët e mi të preferuar dhe për të thithur frymëzimin së bashku me kolegët e mi adhurues të librit. Mezi pres të ju shoh atje!”
Në tetor ajo mori pjesë në ndarjen e çmimit Booker 2022 ku mbajti fjalimin kryesor.
Ndër të tjera Dua Lipa tha se “thjesht kënaqësia” e të lexuarit e ndihmoi atë t’i kalonte kohët “vështira” të turneve, si dhe të lidhej me trashëgiminë e saj./Katror.info
Përgatiti:
