Në mesin e dekadës së fundit, dukej se nuk ishim larg nga momenti kur dërgimi i porosive me dron do të bëhej i zakonshëm. Njoftime të mëdha u bënë nga Amazon, një kompani speciale e dërgesave me drone u lançua nga Google dhe u shfaqën disa startup, qëllimi i të cilëve ishte të përshpejtonin shpërndarjen përmes dronëve.
Edhe pse ka disa vende ku mund të porosisni ushqime, ilaçe ose disa gjëra të vogla shtëpiake nga ajri për disa kohë, kjo formë e dërgesës nuk është përhapur siç kishin shpresuar Amazon dhe kompani të tjera.
Arsyet për këtë janë të shumta – nga sfidat inxhinierike te rregullimi, zhurma, siguria dhe publiku, i cili ende nuk ka pranuar pajisje të tilla të fluturojnë mbi kokat e tyre.
Mundesh me e lexu edhe…
Por kjo nuk do të thotë se kompanitë kanë hequr dorë nga planet e tyre të mëdha. Në qytetet amerikane dhe australiane ku po testohet kjo formë dërgese, njerëzit janë mjaft të kënaqur me shpejtësinë me të cilën dronët dërgojnë produktet e tyre të porositura, megjithëse ka pasur sfida të papritura si sulmet e shpendëve ndaj fluturakeve në Australi.
Gjigandi amerikan i shitjes me pakicë Walmart tani po fillon me këtë formë dërgese, e cila do t’u dorëzojë klientëve produkte të caktuara nëpërmjet dronëve në një pjesë të shtetit të Teksasit. Kompania pretendon se koha nga porosia deri në dorëzimin e produktit do të jetë vetëm gjysmë ore, me Walmart që do të punojë me divizionin e dronëve Wing të Google. Dorëzimi fillimisht do të bëhet nga Walmart Supercenter në Frisco, Teksas dhe më pas nga një dyqan tjetër i kësaj kompanie.
Përdoruesit që duan këtë lloj dërgese dhe janë dhjetë kilometra larg dyqanit, mund të porosisin gjëra të tilla si ushqime të vogla dhe ilaçe brenda aplikacionit celular të Wing dhe dërgesa do të jetë falas, të paktën tani për tani.
Walmart filloi të eksperimentonte me këtë formë shpërndarjeje edhe më herët – në vitin 2021 ata investuan në konkurrentin Wingu DroneUp, dhe ata gjithashtu bashkëpunojnë me Zipeline.
“Ne jemi të interesuar të punojmë me ekspertë të cilët mund të fokusohen në shpejtësinë dhe qëndrueshmërinë, në mënyrë që të përqendrohemi në atë që bëjmë më mirë”, komentoi zëdhënësja e Walmart, Lindsey Coulter./Katror.info
Përgatiti:
