Limoni ka efekt shërues të theksuar. Vetitë mjekësore të limonit kushtëzohen nga prania e një sasie të madhe vitaminash, kryesisht të vitaminave C dhe P. Ai ka veti te mira tretëse në stomak dhe nxit oreksin. Në saje të vetive antitoksike, lëngu i limonit përdoret me efekt kundër barkut dhe diarresë, me pak ose pa sheqer. Të pafundme janë edhe përdorimet e tij në lidhje me shëndetin dhe ushqimet.
Vlerat shëruese
Limoni veçanërisht vlerësohet për vetitë dezinfektuese kundër hemorragjisë. Për qëllime mjekësore përdoren lëvozhga dhe lëngu i frutit. Lëvozhgat, pasi qërohen, thahen me kujdes në temperaturë të ulët deri në 40°C.
Lëngu i limonit ka gjetur përdorim edhe si freskues në prodhimin e limonadës, në përgatitjen e ëmbëlsirave dhe të kuzhinës shtëpiake. Vaji eterik i lëvozhgës përdoret për prodhimin e ujit të kolonjës.
Mundesh me e lexu edhe…
Nga frutat e prera ose vetëm nga lëvozhgat e limonit prodhohet reçel aromatik i cilësisë së mirë. Fruti përmban acid askorbinik (vitaminë C), vitamina P, B, karotinë dhe acid citric.
- Advertisement -
Limoni përdoret kundër sëmundjeve që shoqërohen me ethe. Ai konsiderohen si ilaçi më i mirë antiskorbutik dhe duhet të përdoren nga të gjithë. Limoni bën mirë edhe për uljen e temperaturës.
Ai zgjat jetën dhe gjallëron mendimin. Lëngu i tij përdoret me efekt në luftimin e gurëve të veshkave dhe të fshikëzës urinare, kurse lëvozhga e frutit përmban vaj esencial, alkoole të ndryshme, vitaminë A dhe B1. Vaji esencial ka aftësi për të vrarë bakteret, si dhe për të ndaluar veprimtarinë e tyre.
- Advertisement -
Limoni gjithashtu ka veti të mira tretëse në stomak. Ai është freskues i këndshëm dhe nxit oreksin që mund të jetë pre e sëmundjeve të ndryshme. Në këto raste përdoret lëngu i limonit në trajtë limonade ose i shtuar në çaj apo në gjellë.
Limoni ka dhënë rezultate të mira edhe gjatë përdorimit kundër acarimeve të mukozës së gojës dhe të grykës, duke bërë larjen dezinfektuese.
*Limonin nuk duhet ta përdorin personat që kanë stomak delikat e të ndjeshëm, pasi shton aciditetin dhe dëmton stomakun.
Përgatiti:
Reita Demi
- Advertisement -
